web counter
LEXO PA REKLAMA!

SHKARKO APP

App Store
Google Play

Në gjykatën e Hagës për herë të parë krime kundër trashëgimisë botërore

27 Gusht 2016, 11:57, Aktualitet CNA

Gjykata Ndërkombëtare e Hagës ër herë të parë ka në gjykim një person të akuzuar për krime kundër trashëgimisë botërore.

Banorët dëshmojnë: ?Ata erdhën me çekiçë dhe kazma dhe nuk lanë gur mbi gur: katër vjet më parë, një grup milicësh islamistë sulmuan qytetin legjendar Timbuktu në veri të Malit. Ata shkatërruan shumë mauzoleume. Edhe Dera e Shenjtë e xhamisë së famshme Yahia Sidi u shkatërrua prej xhihadistëve. “Këto ndërtesa janë për fenë tonë të papranueshme”, tha për mediat e Malit një zëdhënës Ansar Dines, një nga shumë grupet terroriste afrikano-perëndimore. Timbuktu u shkatërrua tërësisht. Fëmijë të moshës 15 vjeçare qarkullonin me kallashinkovë nëpër rrugë”, kujton kryetari i bashkisë Halle Ousman në një intervistë për DW.

Më 27 shtator pritet shpallja e vendimit kundër drejtuesit të islamistëve Al Mahdi. Shumica e banorëve të Timbuktut besojnë se ai do të dënohet. Dhe shpresojnë edhe për vazhdimin e restaurimit të objekteve të tyre të trashëgimisë kulturore. Me ndihmen e një fondi të posaçëm të UNESCO-s deri tani janë restauruar 14 mauzoleume.

Por ndaj procesit ka edhe kritika, sepse akuza lidhet vetëm me shkatërrimin e objekteve të trashëgimisë kulturore. Kurse krimet e terroristëve islamikë ndaj popullsisë civile, vjedhjet, përdhunimet, torturat, nuk përfshihen në akuzë, thotë avokati për të drejtat e njeriut Bakary Camara. /Citynews.al





Lajmet e fundit nga