web counter
LEXO PA REKLAMA!

SHKARKO APP

App Store
Google Play

E fundit!

x

Bllofi i Nikollës me shitjen e librave, në asnjë shkollë  nuk ka nisur shpërndarja

27 Gusht 2016, 09:29, Aktualitet CNA

Shpërndarja e librit shkollor me udhëzim të ministrisë së Arsimit dhe Sporteve do të niste më 25 gusht, por deri më sot asgjë nuk ka ndodhur. Ministria e Arsimit ka dalë përsëri blof me shpërndarjen e teksteve për vitin e ri shkollor. MAS me një udhëzim të veçantë përcaktonte datën 25 gusht si datë të nisjes së shpërndarjes së teksteve shkollore për vitin e ri shkollor, po kjo nuk është respektuar. Në udhëzim saktësohej se dy ditë më parë do të niste shpërndarja e teksteve shkollore në ambientet e shkollave nga ku prindërit do të bënin tërheqjen e tyre për fëmijët. Nga një vëzhgim që gazeta ?SOT? realizoi dje në disa shkolla të Tiranës, rezulton se tekstet nuk kishin ardhur nga shtëpitë botuese, duke hedhur poshtë në këtë mënyrë pretendimin e MAS se gjithçka ishte gati dhe shpërndarja do të niste më 25 gusht dhe do të zgjaste deri në 12 shtator. Ashtu siç gazeta ka raportuar në lidhje me këtë çështje, dihet tashmë publikisht se mos shpërndarja e teksteve shkollore ka të bëjë me pullat e certifikimit, pasi pa to normalisht nuk mund të tregtohet asnjë tekst. MAS për arsye të panjohura, ka bllokuar prej kohësh tenderin e pullave të certifikimit, madje nuk jep asnjë shpjegim për këtë, edhe pse gazeta është interesuar për këtë çështje vazhdimisht. Tek shkolla ?Sami Frashëri?, tek ?Shkolla e Kuqe? dhe ?Qemal Stafa? dje nuk kishte asnjë tekst shkollor. Mësohet se dhe në të gjitha shkollat e tjera nuk ka nisur shpërndarja.

Ministria e Arsimit përballë një situate të tillë, i vetmi shpjegim që ka dhënë është duke thënë se vonesa me shpërndarjen e teksteve ka ardhur për shkak të kategorizimit të teksteve. /Citynews.al





Lajmet e fundit nga