web counter
LEXO PA REKLAMA!

SHKARKO APP

App Store
Google Play

E fundit!

x

Privatizimi i Ujësjellësit të Tiranës ngre dyshime, në një vit bashkia përfiton 5 mln euro

27 Gusht 2016, 08:13, Aktualitet CNA

UKT është një ndërmarrje që ka  një fitim prej 5 milionë eurosh në vit. Ujësjellësi i Tiranës zuri vendin e 22 në renditjen e 200 kompanive me fitime më të mëdha në vend për vitin 2015 dhe vendin e katërt ndërmjet kompanive me kapital shtetëror. Sipas të dhënave nga tatimet, vetëm kompanitë shtetërore të energjetikës, OSHEE, KESH dhe OST patën vlera më të larta fitimi se ndërmarrja e Ujësjellësit të Tiranës. Megjithatë vendimi i bërë publik nga vetë kreu i Bashkisë së Tiranës, Erion Veliaj, për të privatizuar Ujësjellësin e Tiranës ka ngritur shumë hije dyshimi se bëhet fjalë për një aferë.

Ujësjellësi i Tiranës ka çuar në arkën e Bashkisë së Tiranës plotë 5 milionë euro ose rreth 686 milionë lekë në vitin 2015. Fitim rekord Ujësjellësi i Tiranës ka realizuar në vitin 2015, por mjaft premtues është edhe viti 2016 pasi fatura e ujit që i shkon banesave dhe bizneseve në Tiranë çdo muaj është rritur jo pak, për shkak të taksës së shtuar. Erion Veliaj rriti taksën për ujin, në një kohë që përmirësim të shërbimit nuk ka, ndërsa tani vjen një vendim i befasishëm për të privatizuar Ujësjellësin e Tiranës. Kryetari i Bashkisë së Tiranës deklaroi befas se po shqyrtonte kërkesën e disa kompanive private (pa i përmendur cilat), kur askush nuk kishte folur më parë për një projekt të tillë. Ai tha se interesimi vinte pas performancës së mirë të Ujësjellësit dhe jo se vetë bashkia kishte bërë ndonjë studim ku të shqyrtonte koston dhe përfitimet! Veliaj po ashtu ka qetësuar qytetarët se privatizimi nuk do të sjellë rritje të çmimit të ujit, gjë që nënkupton se tashmë kryebashkiaku e ka përzgjedhur dhe ka negociuar me kompaninë që do të marrë UKT e Tiranës, por thjeshtë nuk thuhet hapur. /Citynews.al

 





Lajmet e fundit nga