Mesazhet e Dibrës për Bashën dhe opozitën/ Nga Elvi FUNDO

27 Gusht 2016, 12:02, Aktualitet CNA

Zgjedhjet lokale në Dibër po japin mesazhin e qartë sesi duhet të jetë sjellja e Lulzim Bashës dhe mënyrën si duhet të veprojë opozita për të shkuar drejt zgjedhjeve të ardhshme.

Lulzim Basha, ka përpara syve një leksion të cilin duhet ta mësojë mirë por edhe të veprojë më kujdes dhe ta zbatojë në terren këtë leksion.

Së pari Dibra dha mesazhin se kur zgjedh një kandidat me vlera dhe intelektual, askush nuk mund ta sulmojë dhe bashkon strukturat. Grindavecet e pakenaqur ne kete rast duhen afruar edhe me shume, jo ti sulmosh publikisht. Përzgjedhja e Shrefedin Shehut, ishte një ?gol? nga ana e Bashës, që mbylli zërat e çdo kundërshtari brenda partisë, por edhe të vetë mazhorancës socialiste e cila duke mos pasur çfarë të thotë për kandidatin e PD-së ka lëshuar disa ?zagarë? të saj të kafshojnë.

Së dyti kandidatura e Dibrës u kthye në një mesazh për gjithë Shqipërinë. Kandidatura e Shëhut shihet si shpresë jo vetëm për Dibrën por edhe për ringritjen e opozitës e cila me një fitore të pritshme në këtë bashki ndez motorat elektoralë dhe i tregon shqiptarëve se koha e ?Rilindjes? ka mbaruar.

Së treti Dibra i dha Bashës dhe opozitës mesazhin e qartë që PD duhet të jetë e bashkuar. Rikthimi i Besnik Mustafajt ishte një sinjal që Basha duket ta lexojë se bashkimi i themeluesve dhe kontribuesve e bën PD-në më të fortë dhe kjo duhet të jetë detyrë parësore e tij. Opozita nuk mund të shkojë në fitore me servile dhe hijena oborri. Zgjidhja është vetëm në dorë të Lulzim Bashës. Ai duhet të jetë njeriu që bashkon edhe zërat kundër dhe të larguarit, kokëulur dhe të mbajë më shumë fjalën, këto veprime do e forcojnë sigurisht më shumë PD-në. Kritikët duhet ti dëgjojë dhe ti afrojë, PD nuk ka luksin të largojë njerëz dhe të përcahet më tej.

Këto tre mesazhe që vijnë nga leksioni elektoral i Dibrës, që fillojnë me përzgjedhjen e kandidaturave cilësore, bashkimin e strukturave dhe ndërtimin e një stafi elitar dhe jo servil, kreu demokrat duhet ti zbatojë një orë e më parë në PD. Veprimin e parë e ka kryer me zgjedhjen e Sherefedin Shehut, të tjerat ka shumë pak kohë ti vejë në zbatim, sa më shpejt aq më mirë për opozitën, sa më vonë ose sjellja ndryshe do sillte humbje të padiskutueshme në zgjedhjet e 2017. Shkruar për CityNews.al