web counter
LEXO PA REKLAMA!

SHKARKO APP

App Store
Google Play

E fundit!

x

“Zambaku i Prizrenit” në fazën finale të përgatitjeve, mbahet më 31 gusht

27 Gusht 2016, 13:23, Aktualitet CNA

?Zambaku i Prizrenit? vjen në edicionin e tij të 28 më datë 31 gusht në kosovë. Orkestra e Festivalit të këngës së vjetër qytetare, ?Zambaku i Prizrenit?, është në kulmin e punës me pregatitjet. Ajo do të përcjell live 14 këngët e këtij edicioni, që mbahet në Prizren, transmeton Koha.net njoftimin e organizatorit.

Drejtori i Studio Helix, të cilës i është besuar organizimi i këtij festivali, thotë se provat po zhvillohen nën përkujdesjen e kompozitorit Tomor Berisha dhe se deri më 31 gusht, kur mbahet, gjithçka do të jetë e gatshme për paraqitjen sa më të suksesshme të këngëtarëve. Po ashtu bëhet e ditur se edhe përgatitjet teknike kanë ecur mirë.

Në edicionin e 28 të festivalit të këngës së vjetër qytetare do të paraqiten këta këngëtarë më këto këngë:

?Sa të dua o Prizren?, kompozim i Tomor Berishës, me tekst të Hivzi Krasniqit, do të këndohet nga Majlinda Cikaçi e Sahit Vata; ?Sa të kam dashur?, kompozim i Nexhat Maculës, me tekst të Mark Gojanit, këndohet nga Albulena Jashari; ?I vetmuar jam? me tekst dhe kompozim të Arsim Kryeziut do të këndohet nga Andi Qerreti; ?Vera e hidhur? kompozim i Edon Ramadanit e tekst të Agron Kalludrës do të këndohet nga Denik Prizreni; ?Do t? këndojmë e do t? këndojmë? me tekst dhe kompozim të Artan Bakisë do të këndohet nga vetë Artan Bakija. ?Flokëzeza? është kompozim i Irfan Blakçorit, i cili gjithashtu e ka bërë edhe tekstin dhe do të këndojë këtë këngë; ?Kënga e zemrës? kompozim i Veton Perrollit, me tekst të Musa Bushranit, do të këndohet nga Hysen Kafexhiu dhe Frida Toçi; ?Malli im? me tekst të Asdrenit është kompozim i Isa Jakupit, ndërsa do të këndohet nga Ylberina Avdyli; ?Nuk jam shpirti yt?, kompozim i Memli Kelmendit dhe tekst të Xhevat Kelmendit, do të këndohet nga Xhevat Kelmendi; ?A po qan lulja?, kompozim i Ylli Kalaja, me tekst të Aulon Kalaja, do të këndohet nga Rakipe Kalaja; ?Me trille t?ambla ma more zemrën?, kompozim i Zyhni Beqirajt e tekst të Albana Fanit, do të këndohet nga Olta Juba; ?Lermë ta puth nishanin?, kompozim i Ylli Ramzotit, me teskt të Matish Gjeluci, do të këndohet nga Ilsi Ademi.

Krahas këtyre 12 këngëve shqipe, do të paraqitet edhe kënga turke ?Sen Oldun? e kompozitorit Hisein Kazaz, e cila do të këndohet nga Tolga Kazaz, dhe kënga boshnjake ?Aroma e bardhë e Zambakut?, e kompozuar nga Shefqet Hoxha, ndërsa do të këndohet nga Shaqir Ahmeti.

?Festivali Zambaku? i Prizrenit mbahet të mërkurën më 31 gusht, live në kopshtin e Kino Lumbardhit në Prizren, duke filluar nga ora 20. /Citynews.al





Lajmet e fundit nga