Duma: Faktet e reja, Erion Veliaj përgjegjës direkt për vdekjen e Arditit/ Çfarë pret Prokuroria?

27 Gusht 2016, 13:14, Aktualitet CNA

Partia Demokratike ka bërë përgjegjës direkt kreun e bashkisë së Tiranës për vdekjen e 17 vjeçarit Ardit Gjoklaj, që u gjet i vrarë në landfillin e Sharrës.

?Dy janë mundësitë.Ose Erion Veliaj ka shkelur vendimin e Këshillit Bashkiak duke mos e caktuar administratorin ekzekutiv, gjë që në këtë rast e bën atë direkt përgjegjës, ose pas vdekjes së Arditit dhe zbulimit të paligjshmërisë së madhe atje, e kanë fshirë, e kanë zhdukur emrin e administratorit nga faqja e QKR.

Këto fakte e nxjerrin direkt përgjegjës Erjon Veliajn, për paligjshmërinë e landifllit, për atë aferë krimi e korrupsioni që mori jetën e Arditit. Këto fakte e nxjerrin direkt përgjegjës Erion Veliajn për shrytëzimin e të miturve e mosrespektimin e normave të sigurisë dhe Kodit të Punës?, shprehet Grida Duma Sekretare e Marrdhënieve me Publikun, në PD.

Sipas Dumës kjo është edhe arsyeja pse Veliaj hesht. ?Eshte kjo arsyeja pse ai hesht, i fshihet kësaj ngjarjeve, është kjo arsyeja pse censuron median. Ai po bën gjithcka për ta mbyllur këtë histori krimi dhe korrupsioni. Përse nuk heton Prokuroria? Pas këtyre fakteve, institucioni i akuzës është në detyrimin të nisë ndjekjen penale ndaj Erjon Veliajt? Përse Erion Veliaj qëndron mbi ligjin? Kush e ndalon ligjin të funksionojë në këtë rast? Pse paska imunitet Erion Veliaj i kapur në krim dhe korrupsion, kur ai në të vërtetë ka përgjegjësi direkte ligjore e administrative për vdekjen e Arditit?, thuhet në deklaratën e PD-së.

Sekretarja për marrëdhëniet me Publikun në PD tha gjatë deklaratës së krimi në landifllin e Erion Veliajt e ka origjinën në një skemë të pastër korrupsioni e paligjshmërie, sipas të cilës:

?E gjitha nisi në maj të këtij viti, kur Veliaj kaloi në Këshill Bashkiak ndërmarrjen Eco-Tirana.

Pa garë, pa konkurencë, ai i dha një kompanie italiane 49 përqind të aksioneve, ndërkohë që vetë mbajti 51 përqind të saj. E bëri firmën italiane pronare të mbetjeve të Tiranës, dhe i dha asaj ekskluzivitetin e tregtimit, riciklimit dhe përfitimit prej kësaj industrie. Dhe për më tepër, Erion Veliaj, vendosi ti dhurojë edhe 2.5 milionë euro vetëm vitin e parë. Shumë që sipas planit të miratuar do të rritet nga viti në vit. Të gjitha këto janë një grumbull me shkelje të Erion Veliajt.?

Ndër më të rënda Duma thekson: ?Por më e rënda është se ende sot që flasim, edhe pse firma e tij ka nisur punimet, nuk rezulton zyrtarisht një administrator përgjegjës për landfillin, pra personi që është përgjegjës për sigurinë dhe respektimin e kodit të punës. Kjo vërtetohet nga një kërkim i thjeshtë që bëhet në faqen e QKR. Sic mund ta shihni në ekran, tabela e administratorit ekzekutiv është pa emër. Aktet e kaluara në Këshill, bëjnë direkt përgjegjës Erion Veliajn, i cili është i ngarkuar për caktimin e administratorit, sipas pikës 5 të vendimit të këshillit Bashkiak. Ja ku është vendimi.? /Citynews.al