web counter
LEXO PA REKLAMA!

SHKARKO APP

App Store
Google Play

E fundit!

x

Parcelat me drogë/Tre agjensi ligjzbatuese gati planin e mbështetjes për ndërhyrje

10 Gusht 2016, 17:06, Aktualitet CNA

Tre agjenci ligjzbatuese të vendeve partnere duket se do të angazhohen me një plan konkret në ndihmë të autoriteteve ligjzbatuese shqiptare për të luftuar kultivimin e bimëve narkotike.

Burime diplomatike bëjnë të ditur për Citynews se sasia e madhe e drogës që ka nisur të kultivohet, pjesa më e madhe e të cilës ka destinacion tregun jashtë Shqipërisë,  ka shqetësuar ndërkombëtarët, të cilët kanë ofruar asistencën e tyre me një plan konkret ndërhyrjeje, ashtu sikundër ndodhi në Lazarat.

Burimet theksojnë se tashmë në duart e agjensive ligjzbatuese të 3 vendeve partnere të Shqipërisë ndodhen hartat e parcelave me kanabis në të gjithë territorin. Hartat janë rezultat i filmimeve të kryera nga ajri përgjatë dy muajve të fundit.

Po kështu ekzistojnë të dhënat mbi rrugët e trafikut, por edhe mbi të gjithë skemën,  nga sigurimi i farërave, kultivimi, dhe deri në fazën e korrjes, paketimit dhe trafikimit.

Mësohet se mbështetja do të jetë me asistencë teknike ku përfshihen aparatura të sofistikuara, por edhe ekspertë të këtyre agjensive që do të asistojnë dhe monitorojnë angazhimin e strukturave shtetërore shqiptare në luftën kundër kultivimit dhe trafikimit të bimëve narkotike.

Sipas burimeve, agjensive ligjzbatuese në Shqipëri, i është bërë e qartë se lufta kundër narko-trafikut duhet të trajtohet si çështje e sigurisë kombëtare.

Ndërkohë, burimet pohojnë për Citynews se autoriteteve shqiptare i janë kërkuar statistikat mbi sasisë e lëndës narkotike të asgjesuar në 3 muajt e fundit, për të bërë një bilanc mes sasisë së kapur në vendet fqinje, asaj të asgjesuar dhe sasive që mendohet se kanë shpëtuar nga aksionet e përditshme të policisë, duke përllogaritur këtë të fundit mbi sipërfaqet e dala nga filmimet nga ajri.

Burimet diplomatike bëjnë të ditur se në shtator pritet një diskutim me autoritetet shqiptare mbi situatën e kultivimit të lëndëve narkotike në territorin shqiptar, ku pritet të diskutohet edhe mbi një plan të detajuar ndërhyrjeje me monitorimin e agjensive ligjzbatuese partnere. /citynews/





Lajmet e fundit nga