web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi/Heshtja e Qeverisë ndaj ngjarjeve kriminale, kodi i organizatës mafioze ku bën pjesë

10 Gusht 2016, 15:21, Aktualitet CNA

Ish-Kryeministri Sali Berisha ka reaguar përmes rrjeteve sociale në lidhje me heshtjen e Qeverisë ndaj dy ngjarjeve të rënda të ndodhura ditët e fundit.

Berisha i referohet vrasjes së 17 vjecarit, trupi i të cilit u gjet në landfillin e Sharrës, si dhe vrasjes së turistit rus në Himarë.

Berisha thekson se heshtja kriminale e Qeverisë është kodi i tyre dhe i organizatës mafioze që i përkasin.

Komenti i ish-Kryeministrit Sali Berisha

Heshtja kriminale eshte kodi i tyre dhe i organizates mafioze qe i perkasin!

Te dashur miq,
qeveritaret e sotem, kreu i tyre, ne rrafshin njerzor nuk jane njerez por thjesht anetare te nje organizate kriminale.

Kodi i tyre eshte heshtja dhe vetem heshtja e njejte me ate te vllazerive te mafies.
Heshtin ata edhe kur ne ujerat tona vritet me mjete ujore nje turist i huaj dhe braktiset me qellim qe vdekjen e tij ta fshehin thellesite e Jonit.

Vdekja e nje turisti, ne cdo rrethane qofte ajo, trondit çdo vend, çdo qeveri, çdo shoqeri te civilizuar por ajo nuk thyen dot heshtjen e vllazerive mafioze, organizatave qeveritare kriminale si kjo e Shqiperise. Ndaj dhe kreu i meduzes qe pushonte disa milje larg vend-vrasjes se turistit te huaj, nuk mund te thyente kodin e heshtjes dhe te shqiptonte qofte dhe dy fjale ngushellimi per familjen e tij, e per rrjedhoje asnjeri nga anetaret e vllazerise se tij. Ai i te brendshmes apo ajo e turizmit respektonin kodin e kryekumbares sikur i vrari te kishte qene thjesht nje mize apo kandil deti.

Heshtin ata edhe kur, ne nje akt makaber, kriminele me shtaze se çdo kafshe i bejne trupin copa me buldozier te kompanise ku punonte te riut 17 vjecar, Ardit Gjoklea dhe per te zhdukur gjurmet e krimit e varrosin te riun ndofta dhe te gjalle ne plehrat qe kompania e sekretarit te PS sistemonte ne Sharre.

Perseri heshtje dhe vetem heshtje nga kryekumbara, kumbaret e rendit, bashkise, rinise, sikur ata ata te mos kishin qene vete ndonjehere 17 vjecare apo sikur vet te mos ishin prinder por alien apo sikur Arditi, qe po punonte ne plehrat e qytetit per te blere librat e shkolles, te mos ishte njeri, adoleshent i ketij qyteti por nje karkalec apo kelysh i braktisur!?!

Turp njemije here, turp eshte e vetmja fjale qe te del nga shpirti por jo gabim, madje shume gabim, heshtja e tyre shpreh me shume se çdo fjale, se çdo gje tjeter karakterin e tyre pervers dhe çnjerezor, shpirtin e tyre te pashpirt dhe me te zi se katrani!

Ndaj t’u themi heshtni me mire se vetem keshtu dilni ata qe jeni! sb /citynews/





Lajmet e fundit nga