web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive, Rama rinis ofensivën për deputetët/Plani B i Kryeministrit për Qeverinë

10 Gusht 2016, 13:10, Aktualitet CNA

Kryeministri Edi Rama ka nisur rinisur ofensivën për të siguruar numrin e nevojshëm të deputetëve që do t?i garantojnë krijimin e një qeverie të re.

Burime pranë Kreut të Qeverisë bënë të ditur për Citynews se 4 ditë më parë Rama ka kërkuar nga ministrat që të nisin kontaktet kokë më kokë me deputetë, jo vetëm të Partisë Socialiste, por me çdo ligjvënës.

Qëllimi i këtyre takimeve synon të ulë tensionet mes deputetëve dhe ministrave, veçanërisht ligjvënësve të mazhorancës, që në jo pak raste kanë shprehur pakënaqësi ndaj ministrave të caktuar për shkak të mungesës së mbështetjes nga ana e ekzekutivit për zonat ku ligjvënësit janë të deleguar apo kanë kërkuar vota.

Për deputetët të cilët do të vijojnë të jenë skeptikë edhe pas kontakteve me ministrat, garant do të jetë Kryeministri, i cili mësohet se do të angazhohet në takime gjithashtu kokë më kokë me një pjesë prej tyre.

Por në dallim nga ajo çfarë ka ndodhur deri më tani për sigurimin e votave të nevojshme dhe krijimin e një Qeveri pa prezencën e LSI-së, është fakti se Kreu i Qeverisë duket se ka një plan B. Burimet theksojnë për Citynews se po shqyrtohet mundësia e negociatave me një nga partitë e opozitës, të cilës do t?i ofrohet posti i ministrit të Brendshëm, me synim dhënien e garancive që opozita kërkon për zgjedhjet e ardhshme parlamentare.

Pra duket se Rama nuk ka hequr dorë ende nga krijimi i një qeverie pa aleatin e tij kryesor në këto 3 vite, apo një kabineti ku LSI-ja e drejtuar nga Ilir Meta, të mos ketë atë peshë që ka kërkuar me ri-formatimin e Qeverisë.

Kjo lëvizje surprizë e Kreut të Qeverisë mesa duket synon shmangien e dyshimeve mbi zgjedhjet e ardhshme, që pritet të jenë një nga kushtet kryesore që do të vendosë Komisioni Europian në Tetor për vijimin e rrugës së integrimit të Shqipërisë në BE. /Citynews/





Lajmet e fundit nga