web counter
LEXO PA REKLAMA!

SHKARKO APP

Prerja e pemëve/ Policia arreston një person, arratiset një tjetër

30 Korrik 2016, 11:22, Aktualitet CNA

Policia e Dibrës ka arrestuar një person dhe ka shpallur në kërkim një tjetër pasi akuzohen për prerjen e pemëve.

Burime nga policia bëjnë me dije se në fshatin Gurelurë Ekonomia Rajonale Lura 1, në një zonë jo të mbrojtur, u konstatuan 7 pisha të prera dhe të ndara në trupa, gjithsej 2.1 m3 (metër kub)

Nga veprimet e para hetimore si dhe mbi bazën e informacioneve të marra në rrugë operative dyshohet se këto pisha i ka prerë shtetasi A.H, i cili porsa ka parë se në drejtim të tij po shkonte policia është larguar menjëherë në drejtim të pyllit.

Shtetasi i lartpërmendur është shpallur në kërkim policor dhe po punohet për kapjen e tij.
Lënda drusore është sekuestruar në cilësinë e provës materiale.

Gjithashtu po në vijim të punës për parandalimin dhe goditjen e prerjes së paligjshme të pyjeve, efektivat e Komisariatit të Policisë Bulqizë rreth orës 23:00, në qafën e ?Buallit?, kanë kapur shtetasin L.B, 34 vjeç banues në Bulqizë, duke transportuar 9 m3(metër kub) lëndë drusore me mjetin kamion tip ?Benz?, me targë BZ 2114 A, pa dokumentacionin përkatës.

Materialet për të dy rastet e mësipërme do t?i kalojnë Prokurorisë së Rrethit Gjyqësor Dibër, për ndjekje te mëtejshme, për veprën penale ?Prerja e paligjshme e pyjeve? parashikuar nga neni 205 i Kodit Penal.

 





Lajmet e fundit nga