web counter
LEXO PA REKLAMA!

SHKARKO APP

App Store
Google Play

E fundit!

x

Dështon ligji i dekriminalizimit/ 19 deputetë dhe 11 kryebashkiakë rezultojnë të akuzuar për vepra penale

30 Korrik 2016, 07:27, Aktualitet CNA

Ligji i dekriminalizimit po rezulton një dështim total, pavarësisht se pritshmëria për të kundërtën ishte e madhe. Komisioni Qendror i Zgjedhjeve ka mbyllur dje procesin e verifikimit të dosjeve për të 140 deputetët e Parlamentit, dhe rezultati është se asnjë prej tyre nuk do të largohet për shkak të shkuarës së tyre problematike. KQZ zhvilloi dje mbledhjen e radhës me rend dite, shqyrtimin e dosjeve të atyre që rezultonin me probleme. Nga dosjet e shqyrtuara të KQZ rezulton se 19 deputetë të Parlamentit Shqiptar janë me probleme me ligjin, shkruan Sot

Përveç deputetëve, edhe 11 kryebashkiakë nuk e kanë të ?bardhë? të shkuarën e tyre, pasi kanë bërë shënimet përkatëse në formularin e vetëdeklarimit. Por nga të dhënat zyrtare të Komisionit Qendror të Zgjedhjeve, asnjë prej tyre nuk preket nga ligji i dekriminalizimit, ndërsa dy kryebashkiakë, përkatësisht të Kavajës, Elvis Rroshi dhe të Krujës, Artur Bushi janë në proces hetimi nga Prokuroria. ?Nga verifikimi i dokumentacionit, të dhënave në formularin e vetëdeklarimit dhe vërtetimit të gjendjes gjyqësore, rrethanat e paraqitura në formularët e vetëdeklarimit, nuk përfshihen brenda sferës së ndalimeve për shpalljen e pavlefshmërisë së mandatit dhe ndërprerjen e mandatit?, thuhet në raportin e KQZ. Ndërkaq, nga projektvendimet e KQZ që janë hartuar në bazë të ballafaqimit të informacioneve që kanë dhënë në formularët e vetëdeklarimeve dhe informacioneve që janë marrë nga gjendja gjyqësore, 4 prej tyre rezultojnë të kenë fshehur të dhënat, duke mashtruar në formularët e vetëdeklarimeve.

Por edhe në këtë rast, veprat penale të kryera prej tyre nuk rezultojnë të jenë subjekt i ligjit të dekriminalizimit dhe, në këtë mënyrë, ata do të vazhdojnë të ushtrojnë detyrën e deputetit. Ndërsa për tre bashkiakë, përkatësisht Ndrec Dedaj, Xhelal Mziu dhe Zef Hila, nuk janë përgatitur projektaktet.





Lajmet e fundit nga