web counter
LEXO PA REKLAMA!

SHKARKO APP

App Store
Google Play

E fundit!

x

Prapaskenat/Rama në sulm për deputetët e LSI, Meta për strukturat e PS

30 Korrik 2016, 10:48, Aktualitet CNA

Mosmarrëveshjet mes dy partive kryesore në qeverisjen e vendit tashmë janë evidente dhe po pranohen nga eksponentë qoftë të PS-së ashtu edhe të LSI-së.

Duket se të dy partitë janë drejt një ndarjeje, por secila pret se kush do të hedhë hapin e parë, ndoshta për të nisur akuzat për prishjen e koalicionit apo marrëveshjes së firmosur më 1 Prill 2013.

Citynews ka raportuar gjatë ditëve të fundit mbi përplasjet mes Kryeministrit Edi Rama dhe Kryeparlamentarit Ilir Meta, të cilat janë thelluar deri në atë pikë, sa dy bashkëdrejtuesit e qeverisjes nuk po e durojnë dot më njëri-tjetrin.

Kreu i Qeverisë Rama për rreth 1 muaj ka muaj kontaktet me ligjvënës dhe strukturat e partisë së tij, për ti sqaruar për situatën në të cilën ndodhen marrëdhëniet mes dy partive, por edhe për t?I përgatitur për një proces të parakohshëm electoral.  Por një tjetër lëvizje e Ramës është ajo me deputetë jashtë PS-së, me synim garantimin e 71 votave në Kuvend që do të bënin të mundur një qeveri pa LSI, ose rrëzimin e Qeverisë aktuale sipas nenit 104 të Kushtetutës, duke mos lënë hapësirë për krijimin e një tjetër qeverie, dhe çuarjen e vendit drejt zgjedhjeve të parakohshme.

Citynews  ka raportuar se veç përpjekjeve për të unifikuar qëndrimin në Grupin Parlamentar të PS-së, pra për të ulur tensionet me deputetë të veçantë si Tom Doshi, Vladimir Kosta, Ben Blushi, Mimoza Hafizi, Namik Dokle apo Arta Dade, Kryeministri ka intensifikuar kontaktet direkt apo indirekt edhe me ligjvënës jashtë Grupit të PS-së.

Në këtë kuadër, Cityneës ka mësuar se janë të paktën 3 deputetë të LSI-së të cilët duket se janë në prag të një marrëveshjeje me Edi Ramën, për të mbështetur nismat e tij, ndërsa kushti i ofruar është se do të përfshihen në listat e kandidatëve të PS-së për deputet në zgjedhjet e ardhshme.

Ndërkohë, kontakte mësohet se ka pasur edhe me deputetë të partive të vogla, përfshi këtu edhe ato të opozitës, me synim garantimin e një shumice që do t?I shërbente kreut socialist në të dyja rastet, qoftë duke votëbesuar një qeveri pa LSI-në, qoftë duke rrëzuar Qeverinë e tij, por pa i dhënë mundësinë Kuvendit të krijojë një shumicë të re parlamentare, për të krijuar një qeveri teknike.

Përballë lojë që nisur nga Rama, duket se LSI po bën një tjetër lojë, atë të goditjes së PS-së në bazën e saj. Burime nga LSI i thashë Citynews  se deputetë dhe funksionarë të kësaj partie, prej disa javësh janë vendosur në kontakte me strukturat e PS-së në bazë, me qëllim ofrimin e tyre drejt forcës së drejtuar nga Ilir Meta. Burimet theksojnë se pas prishjes së marrëdhënieve mes Edi Ramës dhe Koço Kokëdhimës, i cili me shumë gjasa do të bëhet pjesë e LSI-së, sikundër raportohet, shumë nga strukturat e PS-së në qarqet në jug të vendit të cilat janë organizuar dhe ngritur nga ish-deputeti, mund t?I bashkohen partisë së dytë më të madhe në koalicionin qeveritar.

Gjithashtu Citynews ka mësuar se në qarqet Elbasan, Berat dhe Tiranë, LSI po punon intensivisht për t?I rrëmbyer anëtarësinë PS-së, madje sipas burime mësohet se në të paktën 3 raste, anëtarëve socialist i janë ofruar hapësira punësimi në institucionet që drejtohen nga përfaqësues të LSI-së. Kjo lëvizje duket se ëhstë bërë për të joshur ofrimin e shumë anëtarëve të tjerë, çka do të fuqizonte LSI dhe do të dobësonte strukturat e PS-së.

Në anën tjetër, deputetë të PS-së në mënyrë individuale, veçanërisht në Qarqet Lezhë, Shkodër dhe Dibër, po punojnë për të minimizuar ndikimin e LSI-së, madje duke përdorur të njëjtat forma si ajo që partia e drejtuar nga Meta po përdor në qarqe të tjera të vendit.

Duket se loja e nisur përgjatë temperaturave të larta të verës mes dy partive në aleancë prej 3 vitesh do të nxehet në vjeshtë, kur priten edhe lëvizjet konkrete në koalicionin qeveritar. /citynews/





Lajmet e fundit nga