web counter
LEXO PA REKLAMA!

SHKARKO APP

App Store
Google Play

E fundit!

x

PD, fakte të reja për vëllain e Xhafës/ Ja pse kërkohej kapja e drejtësisë 

30 Korrik 2016, 10:59, Aktualitet CNA

Partia Demokratike ka akuzuar kryeministrin Edi Rama se po fsheh të kaluarën kriminale të vëllait të Fatmir Xhafës. Përmes një deklarate për shtyp, PD thekson se përfshirja e vëllait të Xhafës në trafikun e drogës në Venezuelë tregon nevojën e Ramës për të kapur drejtësinë.

Faktet e fundit në lidhje me të kaluarën kriminale të vëllait të Fatmir Xhafës, të caktuar nga Edi Rama në krye të komisionit për Reformën në Drejtësi, nxjerrin në pah këmbënguljen në skemën për kapjen e prokurorëve dhe gjykatësve, e gjithë institucioneve përmes kunetërve e besnikëve të devotshëm.

Sidomos lajmi se Venezuela ka sjellë në Shqipëri një kërkesë esktradimi për vëllain e Xhafës në lidhje me trafikun ndërkombëtar të drogës, zbulon nevojën e tij për të qënë në krye të reformës e për të kapur me çdo kusht drejtësinë.?, thuhet në deklaratën e PD

Më tej, PD sqaron se në rast se kapja e drejtësisë do të ndodhte, dosja e vëllait të Xhafës do të pastrohej.

?Nëse do funksiononte skema Xhafaj-Rama, me kunatin Berberi e vasalin Dvorani, e të tjerë toga kamikaze, dosja e drogës do pastrohej, e kaluara do fshihej, trafikanti ndërkombëtar që e ka vëllain kryetar të Reformës në Drejtësi do të shpëtonte.

Por Rama, Xhafaj bashkë me vëllanë në kërkim ndërkombëtar për trafik droge nga Venezuela në Spanjë e Itali, nuk ia dolen dot të nënshtronin drejtësinë dhe standardet e Venecias e përkushtimi i opozitës dogjën skemën e tyre mafioze.

Pse hesht Xhafaj për faktet që kanë dalë në dritë?

Pse nuk reagon Rama?

E provuan duke fshehur kërkesen e Belgjikes për Frrokun dhe dështuan. Sa herë kanë ndërmend të qendrojnë mbi ligjin për interesat e krimit? Tik-taku i kohës se bandës po ecën me shpejtësi. Po vjen ora e ligjit dhe e drejtësisë.?, përfundon deklarata e PD





Lajmet e fundit nga