web counter
LEXO PA REKLAMA!

SHKARKO APP

App Store
Google Play

Edi Rama i kthehet inaugurimeve dhe premtimeve/A ka nisur fushatën Kryeministri?

30 Korrik 2016, 12:01, Aktualitet CNA

Pjesa më e madhe e ministrave socialist duket se kanë nisur pushimet në plazhet në Jug të vendit, për t?iu shmangur temperaturave të larta të fundjavës. Por duket se shefi i tyre, Kryeministri Edi Rama, i është rikthyer inaugurimeve dhe premtimeve.

Së fundmi Rama ka postuar në rrjetet sociale, rikonstruksionin e aksit rrugor Kukës-Shishtavec, në kuadër të projekteve të Rilindjes. Gjithashtu, me një apel, Rama i është drejtuar shqiptarëve për të përfituar nga masa e re lehtësuese e reformës fiskale për ti rritur vlerën pronës së tyre.

?Ja një tjetër hap i rëndësishëm në rrugën e rilindjes së ekonomisë familjare si bazë për rilindjen e ekonomisë kombëtare. Përfitoni nga kjo masë e re lehtësuese e reformës së thellë fiskale, për të rritur vlerën e pronës suaj duke paguar shumë më pak se më pare?, është njëri prej postimeve të Kryeministrit.

Pak më herët, Kreu i Qeverisë, ka komentuar investimin e bërë në Qarkun e Kukësit.

?Rruga Kukës – Shishtavec deri dje një segment torturues gropash e aksidentesh tanimë një rrugë 17 km e rindërtuar tërësisht me të gjitha standardet?, shkruan Rama, postim që e shoqëron edhe me disa foto.

Por dy komentet e fundit të Edi Ramës në rrjetet sociale, në këto ditë të nxehta, mund të interpretohen edhe si nisje e fushatës së Kreut të Qeverisë. Kjo nisur edhe nga lëvizjet e javëve të fundit të tij, ku Rama ka qenë tepër aktiv duke takuar pothuajse çdo drejtues të PS-së në degë, apo grupet e punës sipas Qarqeve.

/citynews/





Lajmet e fundit nga