E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Pse Veliaj zgjodhi projektin e Irfanit për markatë dhe jo atë të pronarëve legjitimë me kopshte e çerdhe?

5 Korrik 2016, 15:55, Aktualitet CNA

Kryebashkiaku i Tiranës Erjon Veliaj duket se ka zgjedhur ndërtimin e një markate në vend të kopshteve apo shkollave në një sipërfaqe tek ish-Galanteria, për të cilën Këshilli Bashkiak do të vendosë nesër nëse do ta japë ose jo me qira, sikundër propozohet nga Kreu i Bashkisë.

Citynews ka publikuar dokumente mbi pronësinë e truallit, ku rreth 4300 metra katrorë zotërohen nga pronarë legjitimë të njohur nga AKKP, por edhe me vendime gjykate. Bashkia e drejtuar nga Erjon Veliaj ka propozuar që kjo sipërfaqe të jepet me qira për ndërtimin e një markate, ku sipas mediave të Irfan Hysenbelliut do të punësohen 800 njerëz. Nuk dihet sesi 800 njerëz do të punësohen në këtë markatë, pasi hapësira nuk e favorizon aspak, por duket se shifra të tilla janë hedhur për të bërë edhe më tërheqës projektin.

Mediat e Hysenbelliut, duket se janë përpjekur për të bërë propogandë në lidhje me këtë projekt, në mënyrë që pronari i tyre të marrë në zotërim me qira sipërfaqen, e cila ka pronarë legjitimë.

Citynews në hulumtimin e kryer mbi këtë çështje ka zbuluar se ashtu sikundër Hysenbelliu ka paraqitur një projekt, edhe pronarët legjitimë të sipërfaqes kanë ofruar bashkëpunimin e tyre me Bashkinë, duke ofruar ndërtimin e shkollave dhe kopshteve me fondet e tyre.

Por duket se ky projekt nuk ka bindur Kryebashkiakun Veliaj, i cili duhet të bëjë transparent vendimmarrjen ose të sqarojë sepse ka vendosur të japë me qira një sipërfaqe që ka pronarë, për më tepër kur dosja ndodhet në Strasburg dhe minimalisht mund të ketë një kosto prej 7 milionë euro në dëm të Shqipërisë.

Po kështu Kryebashkiaku duhet të sqarojë sepse Bashkia ka vlerësuar se projekti për ndërtimin e markatës është më i vlefshëm se projekti për ndërtimin e një shkolle apo kopështi që mund ti shërbejë shumë mirë komunitetit të Tiranës?

Veliaj ndoshta nuk e kupton se në Strasburg janë edhe 400 dosje të tjera pronarësh legjitimë, fatura financiare e të cilave mund të shkohë në disa qindra milionë euro, shifër kjo që mund të çojë në falimentimin e shtetit.