E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Detaje të reja për makinën e rënë në liqenin e Shkopetit

5 Korrik 2016, 17:25, Aktualitet CNA

Policia ka dhënë detaje të reja lidhur me makinën e rënë në liqenin e Shkopetit. Përmes një njoftimi të shpërndarë për mediat, bëhet me dije se në afërsi të bregut të liqenit dhe poshtë rrugës nacionale kishte gjurmë të freskëta të gomave të automjetit si dhe pjesë të parafangos, parakolpit e xhama të thyer.

?Po nga kontrolli i vendit ku dyshohej se mund të kishte rënë automjeti në liqen, Policia ka gjetur njërën prej targave të automjetit, konkretisht targën AA 969 ND. Nga shërbimet e policisë të Komisariatit të Policisë Mat është bërë identifikimi i targës së gjetur në vendngjarje, targë e cila i përket automjetit tip Benz në pronësi të shtetasit M.P nga Karbunara Lushnjë.

Targat janë denoncuar të vjedhura në Komisariatin e Policisë Lushnjë, në Janar 2016 nga shtetasi M.P. Theksojmë që ky shtetas ka denoncuar vetëm targat të vjedhura, jo automjetin.? thuhet në deklaratën e policisë. Mësohet se polumabrët gjatë zhytjeve të kryera kanë konstatuar në thellësinë 18 metra dhe në thellësinë 25 metra dy automjete .

Me ndihmën e një mjeti të rëndë vinç, polumbarët dhe forcat e policisë të Komisariatit të Policisë Mat, kanë bërë të mundur nxjerrjen në anë të liqenit të njërit prej automjeteve të konstatuara, konkretisht automjetin autovetruë tip Benz me targa FFV 562, (Suedeze).

Nga kqyrja paraprake, shenjat e konstatuara si, “llumi mbi sipërfaqjet e lëmura të mjetit” rezulton se ky mjet ka kohë që ndodhej brenda në liqen.

Gjithashtu po nga kqyrja paraprake rezultoi se në automjet nuk kishte asnjë viktimë.

Aktualisht polumbarët kanë ndërprerë kërkimet, për të rifilluar në orët e para të mëngjesit të ditës së nesërme, me qëllim gjetjen e mjetit që dyshohet se ka rënë gjatë natës në liqen, si dhe nxjerrjen e mjetit tjetër të kontatuar gjatë zhytjeve të kryera gjatë ditës së sotme nga Polumbarët e Reneas.

Deri në këto momente nuk ka asnjë njoftim për ndonjë shtetas të humbur.