E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Clinton del e pastër nga skandali i emaileve/ FBI rekomandon të mos ndiqet penalisht

5 Korrik 2016, 18:24, Aktualitet CNA

Drejtori i FBI-së, James Comey, të martën ka bërë të ditur që FBI-ja nuk do të rekomandojë ndjekje penale ndaj Hillary Clinton-it për përdorimin e serverit privat të emaileve për t?i ruajtur ato që kanë dalë të jenë mijëra dokumente sekrete në emailet e saj.

Departamenti amerikan i Drejtësisë e ka fjalën e fundit, megjithatë prokurorja e përgjithshme, Loretta Lynch, javën e kaluar ka thënë që do të veprojë plotësisht në bazë të rekomandimeve të FBI-së. FBI-ja nuk pret akuza penale ndaj saj, ka thënë Comey, transmeton gazeta Kosova Sot.

?Po ia shprehim Departamentit të Drejtësisë mendimin tonë që nuk ekziston ndonjë akuzë e përshtatshme për këtë rast. Nuk mund ta gjejmë ndonjë rast që do ta mbështeste nisjen e ndjekjes penale bazuar në këto fakte?.

Kandidati republikan për zgjedhjet presidenciale, Donald Trump, ka qenë i shpejtë në reagimin e tij, pasi që në rrjetin social ?Twitter? ka shkruar: ?Sistemi është i manipuluar. Gjenerali Petraeus ka pasur telashe për shumë më pak punë. Shumë, shumë e padrejtë! Si zakonisht, gjykim i gabuar?.

Përfundimi i Comey-t, për të cilin ai insiston që nuk e ka ditur asnjë politikan në administratën e Obama-s para se ai të bëhej publik, ka ardhur pas deklarimit që Clinton-i dhe ndihmësit e saj kanë qenë ?tejet të pakujdesshëm? në trajtimin e materialeve sekrete, mirëpo veprimet e tyre nuk kanë qenë në nivelin e duhur për ndjekje penale.

?Asnjëra prej këtyre emaileve nuk është dashur të lihet në ndonjë sistem të paklasifikuar. Ndonëse ka prova për shkelje potenciale të statuteve sa i përket trajtimit të informacioneve sekrete, gjykimi ynë është që asnjë prokuror i arsyeshëm nuk do ta hapte një rast të tillë. Prokurorët me të drejtë i peshojnë një sërë faktorësh para se të vendosin nëse duhet të fillojnë me procedura për ndjekje penale?.

Comey ka thënë që 110 emaile në zinxhirin e 52 emaileve që janë gjetur në serverin e Clinton-it kanë përmbajtur informacione sekrete në kohën kur janë dërguar ose pranuar. Ai gjithashtu ka thënë që ?është e mundur që hakerët që bashkëpunojnë me qeveritë e huaja të jenë futur në serverin e saj ? me disa që edhe mund ta kenë hakuar emailet e njerëzve, me të cilët ajo ka komunikuar. Jemi në dijeni që dokumentet mund të jenë parë nga njerëz që nuk është dashur t?i shohin, megjithatë sjellja e saj ka qenë krejtësisht në baza të pakujdesisë?.