web counter
LEXO PA REKLAMA!

SHKARKO APP

App Store
Google Play

Nga Saje qorri tek Shvejku/Ja disa nga epitetet që i bëhen ministrit të Brendshëm

4 Korrik 2016, 14:05, Aktualitet CNA

Ministri i Brendshëm, Sajmir Tahiri, është etiketuar me emra të ndryshme gjatë debateve politike apo akuzave që i janë drejtuar nga opozita përsa i takon lidhjeve të tij me krimin.

Por së fundmi në rrjetet sociale ndaj ministrit të Brendshëm duket se po përdoret edhe një tjetër etiketim, Shvejku.

Dritan Kaba, i njohur për angazhimin e tij në fushën e medias, por edhe lidhjet e tij politike, si këshilltar në Kuvendin e Shqipërisë, ka zgjedhur emërtimin e Shvejkut ndaj ministrit të Brendshëm.

Kaba prej disa javësh ironizon Sajmir Tahirin përmes rrjeteve sociale, duke i shtuar në këtë mënyrë dozën e humorit ndaj tij.

Opozita, veçanërisht ish-Kryeministri Sali Berisha e quante Sajmir Tahirin si Sajmir Shullazi, duke e lidhur këtë me lidhjet që ministri i Brendshëm kishte me Emiljano Shullazin, tashmë i arrestuar dhe në pritje të gjykimit për disa akuza të ngritura nga Prokuroria.

Më pas, Berisha nuk do të ngurronte t’i vendoste një tjetër epitet ministrit të Brendshëm, të cilin nisi ta quajë Saje Qorri. Kjo jo për shkak se Tahiri mbante syze, por ndoshta është një nofkë që e ka ndjekur që në adoleshencë, kur në shkollën e mesme mund ta kenë thirrur kështu bashkëmoshatarët e tij.

Këtë epitet Berisha fillimisht e artikuloi në sallën e Kuvendit, ndërsa më pas nisi ta përdorë edhe në rrjetet sociale, aq sa shumë nga komentet që i drejtohen ish-Kryeministrit Berisha në rubrikën ?Qytetari digjital? në denoncimet që bëhen ndaj ministrit të Brendshëm, i vendoset epiteti “Saje Qorri”.

Së fundmi ai po quhet ?Shvejku?, por këtë herë epiteti nuk mban firmën dhe vulën e opozitës. Ndoshta ky është një epitet që përdoret edhe nga vetë brenda mazhorancës për ministrin e Brendshëm, i cili nëse nuk do të mbahet mend për punën e bërë në ushtrim të detyrës së tij, do të kujtohet të paktën për morinë e epiteteve që iu vunë. /citynews/





Lajmet e fundit nga