web counter
LEXO PA REKLAMA!

SHKARKO APP

App Store
Google Play

Batutat në Grupin e PS/Flamur Noka më i moderuar se Luan Rama

4 Korrik 2016, 13:04, Aktualitet CNA

Ministri i Brendshëm Sajmir Tahiri mësohet të ketë informuar deputetët socialist në lidhje me grabitjen e kryer në aeroportin Nënë Tereza në Tiranë 4 ditë më parë dhe me punën e Policisë së Shtetit në zbardhjen e ngjarjes.

Në mbledhjen e Grupit Parlamentar socialist, të drejtuar nga kreu i saj Gramoz Ruçi, mësohet se deputetët kanë kërkuar një hetim të thellë të ngjarjes në fjalë, duke renditur këtu 3 grabitjet që i janë kryer bankave në një periudhë disa mujore.

Ndërkohë mësohet se gjatë mbledhjes deputeti Pirro Lutaj ka kritikuar deklaratat e deputetit të LSI-së, Luan Rama, në Komisionin e Sigurisë, ku tha se shteti duhet të reagojë lidhur me vjedhjen e parave në aeroport. Sipas deputetit Lutaj, më i moderuar sot në komision ishte Flamur Noka, sesa Luan Rama. Burimet bëjnë të ditur se Ruçi ka kërkuar nga deputetët socialist që të informohen mbi kontratën koncesionare për të nxjerrë përfundimet se cili përgjigjet për sigurinë në aeroport.

Sipas burimeve, duket se ditën e enjte, kur pritet të zhvillohet edhe seance parlamentare e rradhës, nëse mbi çështjen në fjalë do të zhvillohen debate mes opozitës dhe pozitës, deputetët e PS-së do të përqëndrojnë fjalimet e tyre dhe mbrojtjen e Qeverisë duke iu referuar kontratës konçensionare dhe mangësive që mund të gjenden në të, përsa i takon aspektit të sigurisë. /citynews/





Lajmet e fundit nga