web counter
LEXO PA REKLAMA!

SHKARKO APP

App Store
Google Play

Statusi i gjyqtarëve dhe prokurorëve, jo më transferime pa pëlqimin e tyre

4 Korrik 2016, 12:54, Aktualitet CNA

Këshilltarët pranë Gjykatave duhet të jenë magjistratë. Kjo parashikohet në pr/ligjin e ri për statusin e gjyqtarëve dhe prokurorëve, i cili është diskutuar në Komisionin e posaçëm parlamentar për Reformën në Drejtësi.

Deputetja socialiste, Vasilika Hysi, referuar mbledhjes së komisionit tha se ka nisur diskutimi nen për nen i pr/ligjit mbi statusin e gjyqtarëve dhe prokurorëve, duke shtuar se këtu përfshihen edhe rregullat e kandidimit për Shkollën e Magjistraturës, pra për kriteret e përzgjedhjes së tyre.

Sipas Hysit, sot të jesh këshilltar në Gjykatën e Lartë apo në Gjykatën Kushtetuese duhet të jesh magjistrat. Gjatë mbledhjes së Komisionit diskutime pati edhe në lidhje me kriteret e emërimeve për gjyqtarët dhe prokurorët, anëtarët e Gjykatës së Lartë dhe të anëtarëve jo gjyqtarë në Gjykatën e Lartë.

Një tjetër pikë e ligjit të ri është edhe transferimi në detyrë, çka sipas ndryshimeve të reja ligjore nuk mund të bëhet pa pëlqimin e gjyqtarëve apo prokurorëve. Por, një tjetër risi është edhe detyrimi që ka Këshilli i Lartë Gjyqësor dhe Këshilli i Lartë i Prokurorisë për t?u gjetur gjyqtarëve vendin e përshtatshëm jo vetëm me tre preferencat që ata paraqesin, por edhe me formimin e tyre.

Fjala që do të përdoret nuk do të jetë më gjyqtar siç jemi mësuar por magjistrat, si gjyqtari dhe prokurori.





Lajmet e fundit nga