LEXO PA REKLAMA!

SHKARKO APP

Myftaraj: Grabitësit e parave në Rinas, kanë kryer vjedhjet e mëdha në shtëpitë e zyrtarëve të lartë të LSI

2 Korrik 2016, 17:58, Aktualitet CNA

Gazetari dhe analisti Kastriot Myftaraj ka deklaruar se grabitësit e parave në aeroportin e Rinasit, kanë kryer vjedhjet e mëdha në shtëpitë e zyrtarëve të lartë të LSI.

Përmes një postimi në rrjetet sociale, Myftaraj shprehet se vjedhja në aeroportin “Nënë Tereza” është bërë me mbështetjen e një automjeti që përgjonte bisedat.

“Vjedhja e bujshme në aeroportin ?Nënë Tereza? të Tiranës është bërë me mbështetjen e një automjeti që përgjonte bisedat, si të rojeve private të aeroportit, ashtu edhe të policëve të Policisë së Shtetit që gjendeshin atje me shërbim. Ndryshe ishte e pamundur që të realizohej një vjedhje e tillë.” shkruan Myftaraj.

Ai thekson se e njëjta metodë grabitje është përdorur edhe në vjedhjet e shtëpive të disa zyrtarëve të lartë të LSI-së, të cilëve u janë vjedhur shuma të mëdha parash dhe sende të çmuara. Myftaraj shprehet se një skuadër speciale e Policisë së Shtetit, i kryen këto vjedhje duke përdorur informacione të siguruara nëpërmjet shpërdorimit të detyrës zyrtare.

“E njëjta metodë, përgjim para vjedhjes, është përdorur edhe në vjedhjet e shtëpive të disa zyrtarëve të lartë të LSI-së, ku janë vjedhur shuma të mëdha parash dhe sende të çmuara. Në rastin e vjedhjes së shtëpive të zyrtarëve të lartë të LSI-së, vjedhësit e dinin me saktësi kur në shtëpi nuk kishte njerëz dhe se ku dhe çfarë duhet të vidhnin.
Të gjitha të dhënat janë se është një skuadër speciale e Policisë së Shtetit, e cila i kryen këto vjedhje duke përdorur informacione të siguruara nëpërmjet shpërdorimit të detyrës zyrtare.” përfundon Myftaraj.

Lajmet e fundit nga