web counter
LEXO PA REKLAMA!

SHKARKO APP

Baba Taku refuzon shpërblimin

29 Qershor 2016, 09:08, Aktualitet CNA

Ndodhi e paimagjinueshmja të dashur lexues. Një ngjarje e rrallë ka ndodhur sot në Kuvendin e Shqipërisë. Jam kaq i entuziazmuar si gazetar dhe si njeri, sa nuk mbaj dot emocionet, e po bëj lëmsh llafet. Ka qenë vetë “baba Taku”, ose i thënë ndryshe “Taku me cantë të zezë”, i cili në Kryesinë e Kuvendit ka bërë për një lekë z.Meta dhe z.Rama që i dhanë 48 meleone leka të vjetra që të kurohet jashtë. Sic e shihni edhe në foto, Baba Taku, si ish gjykatës në kohën e monizmit, ka marrë llajin dhe ka thënë; Turp t’ju vijë ju! Më jepni shpërblim mua! Pse s’ia jepni ndonjë hallexhiu këto lekë. ”

Më vonë baba Taku ka nxjerrë një liste dhe ka shtuar: …në këtë listë janë ata që kam gjykuar për agjitacion dhe propagandë në kohën e Enverit. Merrni lekët e mia dhe jepjani këtyre!” E tepërt të bëjmë komente për këte veprim fisnik. S’na mbetet gjë tjetër vecse të themi; Bravo baba Taku! U shërofsh sa më shpejt, me lekët e tua… Informoi për Citynews, Doshe Dragoti/Satirë politike





Lajmet e fundit nga