web counter
LEXO PA REKLAMA!

SHKARKO APP

App Store
Google Play

E fundit!

x

Strategjia e amerikanëve me Byronë dhe Prokurorinë Speciale/ Hetim dosjeve të korrupsionit nga viti ’91

29 Qershor 2016, 07:31, Aktualitet CNA

Reforma në drejtësi duhej të ishte miratuar që në shtator të 2015, por po bëhet gati një vit dhe palët ende vijojnë të zvarrisin procesin. Ambasadori amerikan, Donald Lu, deklaroi dy ditë më parë se politika i trembet kësaj reforme dhe për këtë arsye po e shtyn sa më shumë. Por pse politika i trembet reformës dhe kush do preket prej saj? Ato që kanë ngjallur panik në politikën shqiptare janë Byroja Kombëtare e Hetimit dhe Prokuroria Speciale Antikorrupsion, pasi do të jenë në duart e amerikanëve. Në draftin me ndryshimet kushtetuese që tashmë ka shkuar në Kuvend, është përcaktuar se këto institucione mund të hetojnë për korrupsion të gjithë zyrtarët e 25 viteve të fundit.

Teksa fillimisht ishte vendosur që të mos hetoheshin ministrat e para 3 viteve, tani do të kalojnë të gjithë në sitë. Pra do të hapen dosjet e 25 viteve të fundit dhe kjo duket se ka trembur shumë politikanë që kanë ende probleme me drejtësinë. Disa muaj më parë, ambasadori Lu e paralajmëroi se Byroja dhe Struktura Speciale do jenë në dorë të amerikanëve, pasi do vijnë agjentë të FBI. Po ashtu do të ndiqet modeli kroat dhe rumun. Rasti tipik i dërgimit pas hekurave të të korruptuarve është Kroacia, pasi ish-kryeministra, ministra, diplomatë e ushtarakë kanë përfunduar pas hekurave. Edhe në vendin tonë do të ndodhë një gjë e tillë dhe palët kanë nisur ta kuptojnë një gjë të tillë.

Pretekstet e nxjerra nga secili kamp tregojnë se askush nuk e do reformën dhe ka dyshime se ajo po tentohet të shtyhet me një vit. Nëse hidhet në votim dhe nuk miratohet, atëherë Kushtetuta e përcakton se për 1 vit nuk mund të bëhet asnjë ndryshim. Me anë të ndryshimeve kushtetuese, por dhe përmes ligjit për korrupsionin, u lihet dorë e lirë amerikanëve që të hetojnë këdo që ka sunduar në këto 25 vite në vend, duke filluar që nga qeveritë e Berishës, Majkos, Metës, Nanos dhe të Ramës. Madje në ndryshimet kushtetuese thuhet se hetimet nisin ndaj kujtdo ish-zyrtari që ka pasur akuza. Pra, kushdo që gjatë 25 viteve është akuzuar për afera të ndryshme do kalojë në sitë dhe kjo si duket i ka tmerruar politikanët shqiptarë.





Lajmet e fundit nga