web counter
LEXO PA REKLAMA!

SHKARKO APP

App Store
Google Play

E fundit!

x

Socialistët dalin blof me referendumin për reformën/ Lëvizje për tu bërë presion kundërshtarëve

29 Qershor 2016, 07:02, Aktualitet CNA

Ditët e fundit janë shtuar zërat në Partinë Socialiste, që kanë bërë thirrje që të shkohet në një referendum nëse nuk gjendet konsensusi mes pozitës dhe opozitës, për miratimin e reformës në drejtësi. Të dielën ishte Pandeli Majko që hodhi idenë e referendumit dhe zgjedhjeve të parakohshme në një ditë, ndërsa këtë linjë ka mbajtur edhe zëvendës kryeministri Niko Peleshi. Gjithsesi, duket qartë se kjo është një strategji presioni të cilën PS po e përdor ndaj kundërshtarëve, shkruan “Sot”

PS e ka të qartë se mbështetja në popull për reformën në drejtësi është e madhe, por që të shkosh në referendum duhen 94 vota në Parlament, çka nuk i ka. Aktualisht, mazhoranca mund të arrijë maksimumin në 86 vota. Duke parë se përpjekjet për të marrë vota nga radhët e PD-së deri tani kanë qenë të kota, Partia Socialiste ka vendosur të ndjekë një strategji tjetër duke i bërë presion opozitës se do të shkojë në referendum, ku mbështetja për reformën do të ishte e madhe. Gjithsesi, edhe në këtë qëndrim mazhoranca ka dalë blof, pasi për sa kohë nuk i bën dot votat në Parlament për reformën në drejtësi, gjithashtu e ka të pamundur të plotësojë edhe votat për referendum, pasi që të dyja kërkojnë votimin me 94 vota. Ndërkohë, përforcimi i linjës së PS-së në këtë drejtim, ka vijuar edhe gjatë ditës së djeshme.

Gjatë një aktiviteti në Korçë, Niko Peleshi, zëvendës kryeministri i vendit, teksa i ka bërë edhe një herë apel Partisë Demokratike për dhënien e konsensusit për drejtësinë, ka thënë se PS është pro mbajtjes së referendumit në lidhje me këtë çështje, ashtu si disa zëra të tjerë në PS. ?Nëqoftëse partitë do hezitonin të shpreheshin me votën e tyre në Parlament për të miratuar reformën, atëherë le të shprehen me votën e tyre në Parlament për t?i hapur rrugë referendumit, por është herët akoma?, deklaroi Niko Peleshi. Sipas tij, fakti që reforma po kërkohet me insistim nga të gjitha institucionet dhe partnerët ndërkombëtarë tregon qartë rëndësinë që ajo ka për vendin tonë.





Lajmet e fundit nga