web counter
LEXO PA REKLAMA!

SHKARKO APP

App Store
Google Play

E fundit!

x

Sulmet në Turqi/ Presidenti Nishani letër Erdoganit

29 Qershor 2016, 07:42, Aktualitet CNA

Presidenti Bujar Nishani i ka dërguar një letër Presidentit turk Rexhep Tajip Erdogan lidhur me sulmet e djeshme në aeroportin e Stambollit ku të paktën 38 persona mbetën të vdekur.

Në letrën e tij, Nishani shpreh ngushëllimet e tij për popullin turk dhe i dënon aktet terroriste që përgjakën muajin e shenjtë të Ramazanit.

Letra e Presidentit Nishani drejtuar presidentit turk

?I nderuar Zoti President,

Jam shumë i tronditur dhe i revoltuar nga sulmet terroriste në aeroportin ndërkombëtar të Stambollit, ku humbën jetën dhjetëra persona e shumë të tjerë u lënduan.

Me ndjenjë të thellë trishtimi e hidhërimi, i shpreh ngushëllimet e mia më të ndjera familjarëve të viktimave, popullit mik turk, Juve dhe qeverisë suaj, si dhe të lënduarve i uroj shërim sa më të shpejtë.

I dënoj me forcën më të madhe këto akte të urryera terroriste që përgjakën muajin e shenjtë të Ramazanit dhe synojnë të trembin e destabilizojnë Turqinë mike, si dhe ju siguroj se në këto momente të vështira e kritike, unë dhe populli shqiptar jemi pranë jush, pranë familjarëve të viktimave dhe popullit mik turk.

Zoti ju dhëntë qetësi, kurajë e forcë për përballimin dhe kapërcimin sa më shpejt të kësaj situate tronditëse e kritike!? ? theksohet në mesazhin e Kreut të Shtetit shqiptar drejtuar Presidentit të Turqisë, Erdo?an.





Lajmet e fundit nga