web counter
LEXO PA REKLAMA!

SHKARKO APP

App Store
Google Play

Thellohet konflikti në mazhorancë/ Meta rrëzon kërkesën e Gramoz Ruçit për ligjet e reformës në drejtësi

23 Qershor 2016, 07:14, Aktualitet CNA

Kuvendi ende nuk ka vendosur se çfarë do të bëjë me paketën e ndryshimeve kushtetuese dhe me 7 ligjet e reformës në drejtësi. Ishte kreu i grupit parlamentar socialist, Gramoz Ruçi, ai i cili i dërgoi një shkresë kreut të Kuvendit, Ilir Meta, ku i kërkoi që të fusë në kalendar ligjet. Por Meta iu përgjigj me një letër ku e informonte se duhet të vendosë Këshilli i Mandateve dhe Rregullores mbi rrugën që duhet të ndjekin ligjet dhe paketa e ndryshimeve kushtetuese, shkruan “Sot” Ky organ u mblodh dje në orën 18:00, por pas shumë diskutimesh nuk arriti në asnjë konkluzion. U vendos që sot të mblidhet Konferenca e Kryetarëve dhe të vendosë ajo nëse duhen futur në kalendar apo jo. Sipas burimeve, në mbledhje PS dhe PD janë përplasur ashpër me njëra-tjetrën.

Deputetët demokratë si Arben Ristani dhe Eduard Halimi e kanë cilësuar antiligjore një procedurë të tillë, ndërsa socialistët kanë thënë se kjo është një rrugë normale që ndiqet në të tilla raste. Ka qenë Fatmir Xhafaj, ai që ka kërkuar të ndiqet i njëjti shembull si me ligjin e dekriminalizimit, i cili shkoi direkt në seancë plenare. Opozita ka këmbëngulur se nuk duhet të ndërmerret asnjë veprim i njëanshëm dhe të ketë futje të ligjeve pa konsensus. Por teksa palët nuk arritën në asnjë konkluzion, mësohet se Meta ka pyetur administratën e Kuvendit mbi kërkesën e Ruçit. Ata kanë thënë se ajo bie ndesh me rregulloren dhe më pas Meta ka vendosur që të merret vendimi sot në Konferencën e Kryetarëve. Drafti i reformës duket e ka futur në konflikt PS dhe LSI.





18:34 Aktualitet

Mirelat dhe Anjezat

Mirela Milori, gazetarja e ABC News sot ka bërë një koment n...

Lajmet e fundit nga