web counter
LEXO PA REKLAMA!

SHKARKO APP

Shqiptari i arrestuar për kokainë në Britani/ Po bëj biznes sipas mënyrës shqiptare

22 Qershor 2016, 19:23, Aktualitet CNA

Një shqiptar i arrestuar për pastrim parash nga trafiku i drogës, i tha autoritete britanike se po kryente biznes sipas mënyrës shqiptare.

Ai kishte në një valixhe plot 160 mijë paund.  Eduart Gjurra, 24 vjeç, u arrestua nga policia në nëntor të vitit 2014 në Kilburn të Mbretërisë së Bashkuar. Oficerët e policisë e gjetën atë në një furgon tip Volswagen, ku kishte 150 mijë paund dhe 25 mijë euro, para të fituara nga trafiku i drogës. Në një vend tjetër në furgon u gjetën edhe 4 mijë paund dhe mbi 135 mijë euro.

Media britanike shkruajnë se paratë ishin trajtuar me një substancë që të mos nuhateshin nga qentë. Shqiptari është dënuar me 7 vite burg. Por, dje (e martë) avokatët mbrojtës e çuan çështjen në Gjykatën e Apelit duke pretenduar se provat e prokurorisë ishin pranuar gabimisht nga ana e gjykatës. Gjura ka pretenduar se transferimi i parave bëhej sipas ligjit dhe se bëhej fjalë për një marrëveshje prone. Gjurra mohoi se kishte bërë ndonjë gjë të gabuar, por u dënua për tri akuza të pastrimit të parave.

Ai u arrestua fillimisht për pastrim parash, çka pretendoi se transferime të tilla bëheshin normalisht në Shqipëri. Më vonë, shqiptari rezultoi të ishte i përfshirë në trafikun e kokainës./Ora





18:34 Aktualitet

Mirelat dhe Anjezat

Mirela Milori, gazetarja e ABC News sot ka bërë një koment n...

Lajmet e fundit nga