E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Drogë dhe armë në Lezhë/ Arrestohet një shtetas në flagrancë, shpallet një tjetër në kërkim

22 Qershor 2016, 16:26, Aktualitet CNA

Policia e Kurbinit në kuadër të operacionit të koduar ” WEED ” , ka bërë të mundur asgjësimin e 3000 bimëve të dyshuara si kanabis. Mësohet se lënda narkotike ishte e mbjellë në dy parcela në Fushë – Milot.

Gjatë kontrollit në këto dy parcela është kapur në flagrancë duke kultivuar bimë narkotike shtetasi Zenel Lika , 57 vjeç, banues në Kurbin.

Këtij shtetasi i’u gjet dhe sekuestrua në cilësinë e provës materiale një armë zjarri model 56. Ky shtetas u arrestua në flagrancë për veprat penale ” Kultivim të bimëve narkotike” “Prodhim dhe mbajtje pa leje të armëve luftarake dhe municionit” të parashikuara nga nenet 284 dhe 278/2 të Kodit Penal.

Gjithashtu ne vazhdim te operacionit në afërsi me këto dy parcela, në një ullishte janë gjetur dhe 2220 bime narkotike të cilat varjonin nga 30-50 cm si dhe 1360 bime narkotike te vendosura në kubike ,të cilat u asgjësuan me arme anë të djegies. Gjithashtu gjate kontrollit në afërsi të parceles të këtyre ullishteve, u gjetën dhe u sekuestruan me cilësinë e provës materiale një armë zjarri PMSH, një krehër me 16 fishekë arme zjarri , 20 fishekë arme gjahu dhe 520 gram lëndë narkotike e dyshuar Cannabis Sattiva.

Nga veprimet hetimore rezultoi se kjo tokë ullishte ishte në pronësi të shtetasit Halit Selmani , banues në Kurbin ,i cili u shpall në kërkim për veprat penale ?Prodhim dhe shitje të narkotikeve? , Kultivim të bimëve narkotike?, Prodhim dhe mbajtje pa leje të armëve luftarake dhe municionit?, Prodhim dhe mbajtje pa leje të armëve të gjuetise dhe sportive? parashikuar nga nenet 283, 284, 278/2, 278/3 dhe 280 të Kodit Penal.

Gjithashtu në vijim të operacionit në Malin e Veles në Lezhë janë gjetur dhe asgjësuar me anë të djegies 200 bimë të dyshuara narkotike.

Vepra penale “Kultivimin i bimëve narkotike parashikuar nga neni 284 i Kodit Penal.

Materialet procedurale do t’i referohen Prokurorisë së Rrethit Gjyqësor Kurbin dhe Lezhë për veprime të mëtejshme.