web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Astrit Veliaj: Reforma në Drejtësi, një Reformë e barazlarguar nga kapja politike

22 Qershor 2016, 16:01, Aktualitet CNA

Deputeti demokrat Astrit Veliaj i pyetur nga citynews.al ka theksuar se do të votonte vetëm një Reformë në Drejtësi me konsensus.

Qëndrimi i tij publik është kundër fjalëve dhe thashethemeve të hapura së fundmi në disa media se z.Veliaj bënte pjesë në një grup të mundshëm që mund të dilnin jashtë vendimit zyrtar të Partisë Demokratike dhe më pas t?a votonin Reformën në Drejtësi pa pasur një konsensus midis palëve.

Në një prononcim ekskluziv për citynews.al , deputeti demokrat u shpreh se inkurajon gjetjen e konsensusit të gjere politik dhe nje votë unanime në parlament. Sipas Astrit Veliajt, miratimi i një Reforme pa konsensus do të ishte nxitëse e konfliktualitetit dhe polarizimit politik.

?Reforma ne drejtesi eshte nje prioritet i politikes shqiptare, partnereve nderkombetare dhe Partise Demokratike. Te ndergjegjshem per rendesine e saj ne kemi dhene prej rreth nje viti nje kontribut te vyer ne krijimin e nje kornize ligjore ku do funksionoje nje drejtesi e pavarur. Palet politike kane arritur nje perputhje te qendrimeve per pjesen me te madhe te ceshtjeve dhe ndahen per nje pjese shume te vogel te reformes. Besoj se me vullnet, aktoret politike, do gjejne gjuhen e konsensusit.? tha Veliaj për citynews.

Më tej ai theksoi se Reforma në Drejtësi kërkon një mazhoritet të gjerë për t?u kaluar dhe se kjo nuk mund të arrihet përmes blerjes apo shantazhimit të deputetëve. ? Partia Demokratike ka nje argument ne frymen e Komisionit te Venecias dhe eksperteve nderkombetate qe duhet marre ne konsiderate. Partneret tane duhet ta inkurajojne dhe lehtesojne arritjen e ketij kompromisi. Ne na duhet nje mazhoritet i gjere per te kaluar reformen dhe ndryshuar kushtetuten, dhe kjo nuk duhet te arrihet permes blerjes dhe shantazhimit te deputeteve.? deklaroi deputeti demokrat.

Në prononcimin për citynews, z.Veliaj citoi Kushtetutën amerikane lidhur me numrat e nevojshëm për një ndryshim neni të saj. ?Themelet e drejtesise nuk mund te hidhen mbi mazhoritete rastesore dhe kapje deputetesh. Ne Shtetet e Bashkuara, nje nen kushtetute ndryshon kur votojne 2/3 e Kongresit dhe mbasi me refererendum miratohet ne 75% te shteteve. Kjo krijon nje legjitimitet popullor dhe politik te gjere qe i jep force implementimit te ligjeve dhe reformave revolucionarizuese te jetes institucionale dhe shoqerore.? tha Veliaj.

Deputeti demokrat shprehu besimin se lidershipi politik do i kalojë reformat e mëdha të transformimit të vendit përmes konsensusit. ?Personalisht inkurajoj gjetjen e konsensusit te gjere politik dhe nje vote unanime ne parlament. Politika e faktit te kryer nuk eshte zgjidhje, por nxitese e konfliktualitetit dhe polarizimit politik. Besoj tek maturia e lidershipit tone politik dhe aftesia e tij per t’i kaluar me konsensus reformat e medha te transformimit te vendit.? tha z.Veliaj në përfundim të prononcimit për citynews.al .





Lajmet e fundit nga