web counter
LEXO PA REKLAMA!

SHKARKO APP

App Store
Google Play

E fundit!

x

Paketa e re fiskale/ Ahmetaj: Rimbursim të TVSH për bizneset dhe eksportuesit

22 Qershor 2016, 11:52, Aktualitet CNA

Ministri i Financave, Arben Ahmetaj, në një dalje publike për mediat prezantoi paketën e re me masat lehtësuese për bizneset dhe eksportuesit, paketë e cila parashikohet të ndikojë në ecurinë ekonomike të vendit.

?Jam shumë i kënaqur që për rreth dy muaj mblodhëm më tepër se 400 sugjerime nga bisnesi. Sot në qeveri kaluam një vendim të rëndësishëm me paketën e madhe fiskale lehtësuese, duke ndryshuar kështu një nga procedurat që ka qenë penguese. Të gjitha sipërmarrjet me mbi 50% qarkullim të kapitalit përfitojnë rimbursim automatik pa asnjë pagesë të TVSH-së, ndërsa eksportuesit do të përfitojnë rimbursim brenda 30 ditësh?, u shpreh ministri.

Më tej Ahmetaj tha se këto ndryshime do të reflektohen në rritjen ekonomike të vendit, që për këto tre vite qeverisje nuk kapi shifrat e parashikuara nga qeveria e majtë.

?Ekonomia shqiptare është futur në një trend të rritjes ekonomike. Kemi lënë pas krizën dhe mbyllëm të gjithë gropën që lënë pas qeveria e kaluar. Po punojmë për futjen e ekonomisë në një fazë të re zhvillimi?, tha Ahmetaj në konferencën për mediat. Ahmetaj shtoi se këto ndryshime pasqyrojnë frymën e kryeministrit Rama për të mbështetur eksportuesit. ?Masa shkon në frymën e kryeministrit për mbështetjen e eksportuesve. Mbyllëm procesin e konsultimit për procedurat tatimore dhe doganore, duke i hapur rrugë një faze të dytë zhvillimi?, tha Ahmetaj.





Lajmet e fundit nga