E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Reforma në drejtësi në errësirë totale/ Fshihen detajet e diskutimeve dhe ligjet

22 Qershor 2016, 07:55, Aktualitet CNA

Reforma në drejtësi po bëhet në errësirë totale informacioni dhe transparence. Mbledhjet dhe diskutimet e Komisionit të posaçëm për Reformën në Drejtësi po bëhen me dyer të mbyllura, pa media, ndërsa ajo çfarë mund të mësohet nga mbledhjet janë zakonisht akuzat që hedhin palët politike ndaj njëra-tjetrës për kapjen e organeve të drejtësisë.

Ndryshimet kushtetuese po bëhen në mënyrë të fshehtë, gjë që nxit dhe tension politik. Kuvendi ka hapur dhe një faqe online për të pasqyruar debatet dhe diskutimet për reformën në drejtësi. Por nëse hap faqen online të Reformës në Drejtësi, dokumenti i fundit që është hedhur i përket muajit janar, shkruan “Sot” Diskutimet e 5 muajve në vijim janë zhvilluar në mënyrë të fshehtë. Në faqen e Kuvendit nuk ka asnjë dokument që tregon diskutimet që janë bërë, pikat që janë kontestuar dhe dyshimet që janë shprehur, më së shumti për kapjen politike të organeve të reja të drejtësisë.

Komisioni ka nisur diskutimet e ligjeve që kanë të bëjnë me mënyrën si do të funksionojnë organet e gjyqësorit. Edhe këto mbledhje bëhen me dyer të mbyllura dhe pa përfaqësuesit e opozitës, të cilët fillimisht kërkojnë të arrihet dakordësia për draftin bazë me ndryshimet kushtetuese dhe më pas të vijohet me diskutimin e ligjeve. Të hënën, komisioni u mblodh dhe në media u bë i ditur fakti se janë në diskutim 7 ligje të konsideruara të ?emergjencës?. Por për çfarë bëhet fjalë konkretisht, çfarë u ndryshua në ligjet, si do të funksionojnë organet, askush nuk e tha.

Kjo shton dyshimet se mazhoranca kërkon të bëjë një draft në mënyrë të fshehtë për ta pasur ?dorë të lirë? ndaj sistemit të drejtësisë, pas miratimit të draftit. Dyshimet janë se po punohet për të futur në gjyqësor njerëzit e SOROS. Ka shumë pikëpyetje ndaj rolit të këtij fondacioni, pasi pse reforma financohet nga një institucion privat. Fatmir Xhafaj e ka pranuar se Fondacioni Soros ka dhënë 500 mijë euro si dhe një pjesë e ekspertëve janë të tij. Dyshimet janë se po bëhen pazare me reformën që njerëzit e Soros të futen në sitem.