E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

Teatrot mbyllin dyert për 3 muaj/ Regjisorët: Kjo ndodh vetëm në Shqipëri

22 Qershor 2016, 06:28, Aktualitet CNA

Teatrot në Tiranë kanë përfunduar sezonet artistike, duke bërë që gjatë këtij sezoni publikut ti mungojë teatri. Institucionet e teatrove kryesore në Tiranë prej disa ditësh kanë mbyllur dyert për publikun, pasi veprat që janë produksion i tyre kanë përfunduar për këtë sezon, me përjashtim të ndonjë rasti kur mund të vijë ndonjë trupë private apo shfaqje me studentë si pjesë e procesit mësimor. Kjo është një situatë që përsëritet çdo vit, ku kryesisht deri në fund të majit ka shfaqje më pas vera sjell dhe mungesën. Por vetë ata që janë krijues, regjisorët pohojnë se nuk është e drejtë që gjithmonë vazhdon e njëjta situatë për jetë artistike. Tirana ka artistë, të cilët shumë mirë mund të aktivizohen edhe gjatë verës, ku shfaqjet mund të jepen dhe në mjedise të tjera larg skenave. Por sipas tyre duket se mungojnë politikat e duhura nga institucionet apo dhe Ministria e Kulturës, që sot Teatri Kombëtar, Teatri Kombëtar Eksperimental ?Kujtim Spahivogli? kanë përfunduar shfaqjet, ku edhe Teatri i Operës dhe Baletit po shkon drejt fundit të jetës artistike, nëse do të ishte menduar më mirë aktivitetet gjatë verës nuk duhet të shuheshin.

Regjisori i njohur Milto Kutali në fjalën e tij cilëson faktin se për institucionet në Tiranë mungon një strategji, që do të shërbente që jeta artistike në disa muaj mos të shuhej për teatrin. ?Tirana është i vetmi kryeqytet që nuk zhvillon aktivitet teatror gjatë disa muajve të sezonit të verës, por kjo vazhdon dhe deri në shtator. Pra nuk ka një strategji dhe një politikë të tillë të caktuar për këtë. Dhe unë këtu bëj përgjegjëse edhe institucionet e teatrit në Tiranë të gjithë, por dhe Ministrinë e Kulturës, që nuk akordojnë dot që në skenat e hapura, pra në ato që janë ambiente të hapura, trupat me aktorë të performojnë, pra të mos vdesë aktiviteti teatror në këtë kohë?, pohon regjisori Kutali. Për regjisorin e njohur që dhe më parë ka kërkuar që publikut nuk duhet ti mungojë argëtimi gjatë verës, ambientet e hapura që i shërbejnë jetës artistike përshtaten dhe më mirë për publikun.

?Kjo është një periudhë e gjatë, sepse sezonet mbyllen në fund të majit dhe janë disa muaj, qershor, korrik, gusht, madje po ju them që të paktën deri në 20 shtator nuk keni për të pasur shfaqje në sallat e mbyllura të teatrit. Kjo ka dhe normalitetin e vet, pasi ne nuk është se i kemi të gjitha sallat në teatro me sistem për ngrohje në dimër dhe ftohje në verë, por edhe për arsye tjetër që dhe vetë njerëzit, ku psikologjia e qytetarëve është e tillë, që duan të jenë në ambiente më të hapura gjatë kësaj kohe. Në këtë kontekst mendoj që ia vlen shumë që të diskutohet dhe të hapet një debat i gjerë për këtë, që nuk duhet që të vdesë jeta artistike në Tiranë gjatë këtyre muajve?, shprehet mes të tjerave regjisori Milto Kutali, raporton e përditshmja “Sot”.