web counter
LEXO PA REKLAMA!

SHKARKO APP

App Store
Google Play

E fundit!

x

PD: Kukan dhe Flekenshtajn kundër kalimit të Reformës me trafikim votash

22 Qershor 2016, 18:52, Aktualitet CNA

Partia Demokratike ka shpërndarë për mediat deklaratën e Europarlamentarëve Kukan dhe Flekenshtajn, të cilët janë shprehur kundër kalimit të Reformës me trafikim votash në parlament.

Deklarata e plotë e Partisë Demokratike

Europarlamentarët Kukan dhe Flekenshtajn, njëkohësisht raporterët për Shqipërinë pranë Parlamentit Europian, janë shprehur sot kategorikisht kundër kalimit të reformës në drejtësi me trafikim të votave në parlament.

Në një prononcim për mediat, Kukan dhe Flekenshtajn thanë se blerja e votës është e papranueshme dhe theksuan se reforma në drejtësi duhet të kalojë me konsensus dhe jo me imponimin e njërës palë mbi tjetrën.

?Miratimi i reformës në drejtësi pa opozitën nuk shtrohet si cështje. Çështja shtrohet nëse ata e kanë mazhorancën për çka kërkohet dhe në dijeninë time kjo bëhet me 2/3 e votave për të ndryshuar Kushtetutën. Nëse i kanë këto vota është në rregull, por pa i blerë ato, pasi nëse votat blihen kjo është e papranueshme për këdo?, u shpreh Knut Flekenshtajn.

?Blerja e votës nuk është një praktikë europiane dhe ne e refuzojmë kategorikisht atë në çdo shoqëri demokratike. Çdo përpjekje e tillë e ngjashme për të zgjidhur çështjen e një projekti kaq të rëndësishëm sikurse është reforma në drejtësi, nëpërmjet blerjes së votës, është thjeshtë e paimagjinueshme në Parlamentin Europian. Prandaj është e rëndësishme për të gjithë liderët politike të flasin dhe të gjejnë rrugët për të arritur një marrëveshje. Asnjë blerje vote dhe asnjë imponim i një pale mbi një tjetër nuk është rruga e duhur, por procesi duhet të ketë mbështetjen e të gjitha forcave politike, sepse vetëm atëherë mund të sjellë progresin e qendrueshëm të një vendi?, u shpreh Eduard Kukan.

 





18:34 Aktualitet

Mirelat dhe Anjezat

Mirela Milori, gazetarja e ABC News sot ka bërë një koment n...

Lajmet e fundit nga