E fundit!

11:48 Aktualitet

Helmimet e studentëve të Akademisë së Sigurisë/ Muçollari: Pasojë e një qeverisjeje që ka humbur prioritetet

Anëtari i Kryesisë së PD-së Grigels Muçollari ka reaguar n...

Ja pse po përplasen magjistratët me KLD-në/ Nishani dhe Manjani votuan kundër ligjit

23 Qershor 2016, 15:43, Aktualitet CNA

Një revoltë ndaj Këshillit të Lartë të Drejtësisë nga disa magjistratë raportohet të ketë ndodhur në mbledhjen e fundit të KLD-së. Procedura e re e emërimit të magjistratëve, përmes shortimit të kandidatëve ka shkaktuar përplasjen e tyre me KLD-në. Mësohet gjithashtu se Presidenti Bujar Nishani dhe Ministri i Drejtësisë Ylli Manjani kanë votuar kundër ligjit që bënte fjalë për emërimin e magjistratëve nga Këshilli i Lartë i Drejtësisë dhe nga Prokurori i Përgjithshëm.

Përplasja me KLD-në

Magjistratet znj. Ina Hoxhaj, znj. Matilda Fetau, znj. Esmerilda Habili, znj. Nertila Kape znj. Yrfet Shkreli, magjistrate në profilin gjyqtar, kane qene në pritje të emërimit përfundimtar.

Gjate mbledhjes se rradhes se KLD, procedura e emërimit nuk pati lidhje me ligjin dhe me praktikën pesëmbëdhjetëvjeçare të konsoliduar të zbatimit të tij. Porse për të kryer procedurën e propozimit, Këshilli i Lartë i Drejtësisë ka shpikur një procedure te re ex novo në vitin e gjashtëmbëdhjetë të zbatimit të ligjit, dhe konkretisht shortimin e kandidatëve dhe vendeve vakante respektive.

Rendi i ditës është ndryshuar aty për aty pa patur mundësi anëtarët e tjerë jo prezentë të informoheshin për këtë ndryshim të beftë. Përkundrazi të gjithë anëtarëve të KLD iu është dërguar bashkëlidhur rendit të ditës procesverbali i Shkollës së Magjistraturës ku pasqyroheshin preferencat e magjistratëve sipas renditjes (procedura normale e parashikuar ne ligi). Anëtarët e KLD që kanë votuar kundër zbatimit të ligjit kanë qenë z. Gjin Gjoni, Presidenti i Republikës z. Bujar Nishani; Ministri i Drejtësisë z. Ylli Manjani, z. Astrit Haxhialushi, propozuesi z. Artan Broci, znj. Brunilda Kadi.

Gjygjtaret e rinj iu jane drejtuar me padi Gjykatës Administrative ku kane kërkuar si masë sigurimi pezullimin e procedures se dekretimit deri sa te merret nje vendim i formës së prerë.

E gjithë procedura nuk ka qenë transparente, pasi zgjedhja e bere në emër dhe për llogari te tyre eshte kryer me short nga duar të panjohura. Ata pretendojne se, procedura e ndjekur nga KLD është jotransparente pasi nuk jane njoftuar paraprakisht dhe se shorti është hedhur me dyer të mbyllura aty per aty.

Per sa me lart, magjistratet iu jane drejtuar me peticion te gjitha organeve kompetente si dhe autoriteteve te huaja si pale te interesuara ne kete proces.