E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Reforma në drejtësi/ Blushi: Nuk do të përfaqësojë interesat e shqiptarëve

23 Qershor 2016, 12:09, Aktualitet CNA

Deputeti i Partisë Socialiste, Ben Blushi, ka kritikuar në Kuvend mënyrën sesi po tentohet të miratohet reforma në drejtësi, duke thënë se qeveria i ka lënë shqiptarët në errësirë në lidhje me këtë proces.

?Edhe nëse do ketë konsensus për reformën në drejtësi, interesat e shqiptarëve nuk do merren parasysh dhe ata nuk do të pyeten për asgjë. Edhe nëse ka konsensus produkti do jetë i panjohur dhe burokratik, jo vetëm për ne, përfshi edhe për mua, por për për të gjithë shqiptarët. Askush nuk ua shpjegoi shqiptarëve çfarë është reforma në drejtësi. Çfarë do të ndryshojë reforma në drejtësi, cfarë do të sjellë ajo për Shqipërinë dhe shqiptarët.

Pyesni shqiptarët cfarë do të thonë KLD, KLP, KLGJ etj. Ai i dinë këto shqiparët cfarë janë? Nuk i dinë sepse kështu i bëtë ju gjërat?, tha Blushi.

Më tej, Blushi nuk kurseu edhe ndërkombëtarët për presionin që po ushtrojnë ndaj elitës politike shqiptare.

?Kjo reformë nuk do t?i mbrojë të vërfërit. Hartuesit e reformës, gjermanët, evropianët, amerikanët mezi po presin reformën tonë. Kanë vënë syrin në vrimën e çelësit. Po e presin. Por shqiptarët kush i pyet. Cfarë janë shqiptarët. Kurr në 25 vjet nuk është pyetur populli shqiptar, cfarë do, si e do, pse e do. Në Amerikë i zgjedh populli prokurorët me votim, këtu i zgjedhim ne me 2/3. Pse nuk marrim këtë model. Drejtësi të deleguar. Por këtu populli nuk ka asnjë kompetencë. Asnjë.

Cfarë kemi bërë ne në 2008, kemi vendosur që prokurorë e gjyqtarë të zgjidhen me 2/3 e 3/5, por presidenti si zgjidhet? Hajde t?ua kthejmë presidentin popullit. Ja hoqët kompetencat, mbase kishit të drejtë, por t?ia kthejmë popullit. T?ia kthejmë popullit si Mali i Zi, Maqedonia dhe Serbia. Popullit i jepet e drejta të zgjedhë partitë, ndërsa partitë të zgjedhin gjithçka, duke shkatërruar gjithçka.

Nuk e çojmë dot këtë reformë në referendum sepse duhen 94 vota, po aq sa duhen për të ndryshuar Kushtetutën. Po mirë, po shqiptarët a kanë të drejtë të vendosin për diçka. Për aq kohë sa këtu nuk bëhen 94 vota nuk ka mundësi për referendum, për ndryshim Kushtetute, e për pasojë shqiptarët nuk zgjedhin e zgjidhin dot asgjë, ashtu siç duan ata?, u shpreh Blushi, i cili riktheu edhe njëherë idenë për zvogëlimin e Kuvendit nga 140 deputetë me 100.

?Kemi nevojë të zvogëlojmë veten, të jemi më pak deputetë. Të vijnë më pak ?Roshër?, më pak kriminelë e injorantër këtu. 100 deputetë do t?u kushtonin shqiptarëve më pak dhe do ta bënin këtë Kuvend më efektiv?, tha Blushi.