web counter
LEXO PA REKLAMA!

SHKARKO APP

App Store
Google Play

Anëtarësimi i Malit të Zi në NATO/ Topalli: Rritet siguria në rajon

23 Qershor 2016, 10:26, Aktualitet CNA

Ish-kryetarja e Kuvendit dhe aktualisht deputete e PD-së, Jozefina Topalli, ka shprehur hapur mbështetjen e forcës së saj politike për votimin e protokollit të Uashingtonit për anëtarësimin e Malit të Zi në aleancën ushtarake perëndimore.

?Sot Kuvendi i Shqipërisë ratifikon protokollin e Uashingtonit për anëtarësimin e Malit të Zi në NATO. Natyrisht kjo është e rëndësishme për Malin e Zi, sepse realizon synimin e saj, por edhe për Shqipërinë është një moment i rëndësishëm.

Unë e kuptoj se sa emocione ka për ratifikimin e protokollit nga 29 vendet anëtare. Mali i Zi ka qenë partner i rëndësishëm i aleancës dhe tani do të jetë anëtare, natyrisht duke përmbushur të gjitha kriteret. Shqipëria ka bërë lobing dhe ka dhënë mbështetjen e saj në këtë proces, sidomos në një kohë të vështirë e me kriza nga lindja dhe perëndim?, tha Topalli.

Ndër të tjera, Topalli e cilësoi të domosdoshëm anëtarësimin e fqinjit tonë verior në NATO pasi sipas saj rrit sigurinë rajonale.

?Anëtarësimi i Malit të Zi rrit më tepër sigurinë e rajonit tonë. Ne kemi kërkuar që kjo të realizohet më herët. Unë edhe një herë uroj Malin e Zi dhe kreun e Parlamentit të Malit të ZIi, por edhe NATO-n që ka zbatur politikën e dyerve të hapura, në një kohë të pasigurt qoftë për paqen edhe për sigurinë në botë?, tha ish-kryetarja e Kuvendit.





Lajmet e fundit nga