web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ 426 milionë lekë për fasada dhe zero investim për rrugën nacionale Korçë-Ersekë

23 Qershor 2016, 10:10, Aktualitet CNA

I vetmi premtim që ka mbajtur qeveria Rama është mosinvestimi në asnjë kilometër rrugë në vend.

Citynews sjell sot rastin e një investimi me vlerë 426 milionë lekë për rikonstruksion fasadash dhe braktisjen e një aksi të nevojshëm për qytetarët e zonës juglindore.

Bëhet fjalë për një tender të zhvilluar nga Bashkia Kolonjë lidhur me rikonstruksionin e rrugeve dhe fasadave të Sheshit ?RILINDJA? Ersekë.

Tenderi në fjalë ka patur një fond limit prej 432 milionë lekë të vjetra. Siç duket në dokumentat e mëposhtëm, rezulton se tenderi është fituar nga ofertuesi me 98% të vlerës së fondit limit.

Ndërkohë tenderi lë vend për dyshime se kemi të bëjmë me favorizimin e një operatori ekonomik të caktuar, pasi dy subjektet e tjerë në garë nuk kanë paraqitur asnjë ofertë ekonomike. Sipas Bashkisë së Kolonjës, të dy operatorët e tjerë në garë kishin mungesë të plotë në të gjitha dokumentat ligjore, administrative, kualifikuese të përcaktuara në dokumentat e tenderit si dhe nuk kanë paraqitur ofertë ekonomike.

Investime për fasada, zero lekë për rrugën nacionale

Qindra miliona lekë po shkojnë për sheshet e qyteteve, ndërsa nuk po investohet aspak në rrugët nacionale.korce erseke

Më herët citynews ka denoncuar shpesh problematikën e lidhur me aksin nacional Korçë-Ersekë.

Punimet për këtë aks rrugor janë braktisur totalisht nga qeveria. Edhe pse ka një fond të akorduar nga qeveria Berisha në qershorin e vitit 2013 me vlerë rreth 2 miliardë lekë, qeveria Rama nuk ka kryer asnjë veprim për të përfunduar rrugën Korçë-Ersekë. Sipas projektit, rikonstruksioni i rrugës duhet të kishte përfunduar në qershor të vitit 2015./citynews

Më poshtë dokumentat e investimit për Rikonstruksionin e Sheshit të Ersekës

 

 





Lajmet e fundit nga