E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj kanë kremtuar sot Ditën e Ashures, n...

Reforma në drejtësi/ Berisha: Nuk do të lejojmë kapjen e drejtësisë nga qeveria

23 Qershor 2016, 11:20, Aktualitet CNA

Ish-kryeministri Sali Berisha ka akuzuar sërish qeverinë se ka tentuar dhe po tenton të përjashtojë nga procesi i reformës në drejtësi opozitën, duke përsëritur thirrjen se reforma nuk kalon pa opozitën.

Duke përshëndetur miratimin e protokollit të Uashingtonit për anëtarësimin e Malit të Zi në NATO, Berisha nuk harroi të përmend të drejtat e shqiptarëve në Mal të Zi, ndërkohë që kritikoi deputetët e qeverisë që nuk mbajtën asnjë fjalim për të drejtat e shqiptarëve edhe në Maqedoni.

?Miratuam sot protokollin për Malin e Zi, një vendim i drejt ky për rajonin. Por urojmë që komuna e Tuzit me shqiptarë, statusi i të cilës i bllokuar nga Gjykata Kushtetuese në Mal të Zi, të bëhet dhe zhbllokohet. Ky është një premtim që Milan Gjykanovië bëri para referendimit para shqiptarëve, të cilët ishin të rëndësishëm në proces?, tha Berisha.

Më tej ai përmendi ngjarjen në Kumanovë, duke kritikuar qeverinë se braktisi shqiptarët e lagjes së trimave, ndërsa ngjarjen e cilësoi një tentativë për spastrimin e shqiptarëve.

?A nuk u rrënua një lagje e tërë shqiptarësh në ?Lagjen e Trimave? në Kumanovë. Po si nuk u kujtuat mo të dhuronit një qindarkë për shtëpitë e shqiptarëve. Skenari i Kumanovës kishte qëllim spastrtimin etnik të shqiptarëve në Maqedoni?, tha ai.

Berisha: Pranoni nenin 88, e votojmë që nesër reformën në drejtësi

?Të rikthehemi tek reforma në drejtësi. Shqiptarët kanë të drejtë që janë të hutuar në këtë proces. Kam bindjen se reforma në sistemin e drejtësisë është jetike. Shqiptarët po shohin çdo ditë forcat regresiste për të futur drejtësinë në kthetrat e tyre

Ky qllim ogurzi ishte shkak i përjashtimit të opozitës që në ditët e para të procesit, ndërkohë që opozita ofroi ndihmën e saj, ndërkohë që kryeministri u thoshte të huajve që konsensusi nuk ekzistonte në fjalorin e shqiptarëve.

Asnjë reformë e madhe nuk është bërë pa konsesnsusin e dy palëve. Por Edi Rama përjashtoi opozitën, sepse Rama nënkupton me reformë kthetrat e tij të zeza. Drafti që përgatiti bashkryetari i partisë komuniste Fatmir Xhafa shkoi në Venecia, e kjo e fundit e hodhi poshtë më 38 nene draftin e tij. Komisioni i Venecias e rrëzoi draftin me të cilin qeveria donte të bëhej kapëse e drejtësisë dhe pavarësisë së tij.

Opozita ka meritën se çoi dokumetin dhe faktoi tentativën për kapjen e drejtësisë. Këta janë shakaxhinjtë e reformës, janë tallur me shqiptarët. E drejta kaloi në anën e opozitës, por këta nuk dinë çfarë është e drejta. Ju ofruam konsensus, por ju e hodhët poshtë.

Kryetari i partisë komuniste të reformës në drejtësi, i urdhëruar, kërkoi të bëhej kryeprokuror, kryegjykatës. Por sërish opozita, dërgoi dokumentin e dytë në Venecia, duke dënuar faktin se drafti i dytë ishte i njëjti me të parin. Venecia e rrëzoi për herë të dytë, dhe bëri thirrje që opozita të jetë pjesë.

Por, drafti që përgatiti opozita nuk e rrëzoi dot asnjë njeri, as i huaj, as shqiptar, as jurist e as gazetar, por u rrëzua nga qeveria, sepse opozita është armike sipas saj.

Vetingu duhet të bëhet sipas Komisionit të Venecias. Vetingu është procesi më i rëndësishëm. Ta respektojmë nenin 88 dhe e votojmë reformën që nesër. Doni ta fusni drejtësinë në dorë, por nuk e lejojmë?, përfundoi Berisha.