E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

HABERET E MITROS/ MILITANTI SOCIALIST...

23 Qershor 2016, 14:52, Aktualitet CNA

Ne kemi qënë dikur në një llogore. Unë gazetar tek ?Bashkimi?, dmth zbërtheja direktivat e Ramiz Alisë. Ai istruktor në Komitetin e Partisë së Punës, dmth bërthente të njëjtat direktiva. Tani jemi me bojna. Unë blu. Ai rozë. Çdo mëngjes kalon poshtë ballkonit tim. Unë e përshëndet me grusht. Ai ngre dy gishtat përpjetë ? Është mëngjes. Bëj zakonë: Kros nga kodrat e liqenit. Drejt meje vjen ish istruktori. Në dorë mba një dosje kartoni. Me llastikë. Ngjyrë e kuqe e dalë boje: Rozë. Mbi shpatulla, I tundet një xhaketë, e moshuar”. Ku ta kem parë këtë mall? “Eureka!” Është stof I prodhuar në kombinatin e tekstileve “Stalin”, këtu e 40 vjet më parë. Moda alla istruktor: E çarë nga prapa. Dy sumbulla përpara. Jakë e madhe. Mbi jakë, cepat e zverdhur të këmishës. Po pantallonat? I kqyra më vemendje. Nuk I pikasa që në fillim, sepse janë edhe moderne edhe demode. Istruktorit ja ka blerë, me skonto, gruaja tek gabi!
Më zgjat dorën. Fytyra I ka marrë një shkëlqim të zvenitur! Ja shtërgova dorën duke I thënë me doza ironie: ?Urim për Ramën! U tregua trim! E bindi Garamos Ruçin për ti bërë letër Metës…Për reformën , de!? U prish në fytyrë dhe nisi të flasi: ?Jam militant. Nuk kam lënë miting pa shkuar! Kam shkruar e ngjitur parrulla. Kur zonja më thoshte: Pse rrezikon kokën? Unë hazërxhevap: Për t’I thënë jazëk varfërisë??Kur të marrë pushtetin Kryetari Rama do të gjëndet një “thelë me bisht” edhe për mua?
Neise! Miqtë më ngushëllonin: Bashkia është e vogël. Kur të bëhet Rama kryeministër, ti do të bëhesh drejtor dogane?…Por iku dhe viti i tretë… Le gomari që na ngordhi, por nuk të lënë rehat edhe mizat. Tre herë në ditë avazi i gruas: Ta futi shalëgjati!
Të të jap një këshillë? I thashë. Parti më yndyrë janë LSI dhe partia Çame. Kanë nevojë për intelektualë të bojës sate. Bëje sikter PS-në. Fute në kasafortë teserën socialiste. Kalimi nga një parti tek tjetra, është xhaba…Militanti me pantallona gabi, u përkul pak nga e mëngjra. Drejtoi krahun dhe e vërviti dosjen drejt ujrave të liqenit. Kur ajo u zhduk drejt thellësive, militanti u largua duke mërmëritur: Qerrata Mitro!… Sikur ka trutë e zonjës sime…Të njëjtat këshilla…