Kryetari i Kuvendit të Malit të Zi, Darko Pajović mban një fjalë përshëndetëse në Seancë Plenare

23 Qershor 2016, 15:30, Aktualitet CNA

Në kuadër të vizitës së tij zyrtare, Kryetari i Kuvendit të Malit të Zi, z. Darko Pajovi? ndoqi punimet e Seancës Plenare të Kuvendit të Shqipërisë, ku u ratifikua ?Protokolli i Traktatit të Atlantikut Verior për aderimin e Malit të Zi?.

Pas miratimit me unanimitet të këtij protokolli, Kryetari i Kuvendit z. Ilir Meta u shpreh se Mali i Zi e ka merituar votën unanime të Kuvendit të Shqipërisë dhe theksoi se shqiptarët asnjëherë nuk do të harrojnë besën dhe mikpritjen që Mali i Zi nën udhëheqjen e Milo Gjukanoviçit u dha dhjetëra mijëra qytetarëve shqiptarë të Kosovës të dëbuar nga genocidi serb në vitet ?98-?99.

Gjithashtu, z. Meta vlerësoi edhe njohjen në një kohë të shpejtë dhe optimale të pavarësisë së Kosovës nga ana e Malit të Zi, që ka treguar përgjegjshmëri maksimale për paqen, stabilitetin dhe sigurinë e rajonit tonë.

?Shqiptarët asnjëherë nuk do të harrojnë besën dhe mikpritjen që Mali i Zi nën udhëheqjen e Milo Gjukanoviçit u dha dhjetëra mijëra qytetarëve shqiptarë të Kosovës të dëbuar nga genocidi serbomadh në vitet ?98-?99. Dhe së dyti njohjen në një kohë të shpejtë dhe optimale të pavarësisë së Kosovës duke treguar përgjegjshmëri maksimale për paqen, stabilitetin dhe sigurinë e rajonit tonë. Ndaj e ka merituar votën tonë unanime edhe sot?, – tha Kryetari i Kuvendit, z. Meta, teksa ftoi homologun e tij malazez, z. Darko Pajovi? të mbajë një fjalë përshëndetëse në Kuvendin e Shqipërisë.

Fjala e Kryetarit të Kuvendit të malit të Zi, z. Darko Pajovi?

I nderuar Kryetar i Kuvendit të Shqipërisë, z. Ilir Meta

Të nderuar përfaqësues të qeverisë,

Të nderuar qytetarë të Republikës së Shqipërisë,

Fqinji i mirë të hap dyert e parajsës. Kjo thënie e të parëve tanë e përshkruan më së miri rëndësinë e ndihmesës së ndërsjellë dhe fqinjësisë së mirë që kanë kulturë të përbashkët, histori të përbashkët dhe ndajnë vlera të përbashkëta. Mund të jemi krenar dhe përkundër kohëve dhe trazirave që kemi kaluar, kemi ndërtuar miqësi të mirë dhe respekt të ndërsjellë mes shteteve.

Të nderuar kolegë

Është kënaqësi e madhe që t?ju drejtohem në këtë tempull demokracie dhe t?ju falënderoj që sot keni ratifikuar protokollin për anëtarësimin e Malit të Zi në NATO. Anëtarësimi në NATO është një hap historik, kulturor, logjik dhe civilizues i Malit të Zi dhe paraqet qëndrimin e Malit të Zi për civilizimin dhe vlerat perëndimore.

Për këtë, anëtarësimi në NATO siguron që shteti ynë është në drejtimin e duhur, që kemi filluar me reformat gjithëpërfshirëse sidomos në sundimin e së drejtës. Pra, këto kritere të përbashkëta, janë dëshmi që këto vlera janë të përbashkëta dhe janë dy anë të së njëjtës fytyrë të Evropës së sotme perëndimore.

Të nderuar miq,

Mali i Zi në katër vitet e fundit të negociatave me Bashkimin Evropian ka çelur 22 kapituj prej të cilëve 2 janë përkohësisht të mbyllur, ndërsa deri në fund të vitit presim çeljen edhe të disa kapitujve të tjerë. Jam i sigurt se edhe Shqipëria së shpejti do të çelë negociatat dhe me këtë do të fitojë një vazhdimësi reformash që i ka filluar.

Kurse Mali Zi të nderuar miq, si fqinj i mirë dhe mik është i gatshëm të ndajë përvojat e veta nga procesi i negociatave me Bashkimin Europian.

Më lejoni që të theksoj se një rol të veçantë në raportet tona kanë popujt minoritarë.

Shqiptarët në Malin e Zi gjithmonë kanë qenë shtetas luajalë të Malit të Zi.

Këtë e kanë dëshmuar edhe në vitin 2006 kur kanë dhënë një kontribut të madh në pavarësinë e Malit të Zi dhe këtë e tregojnë edhe në ditët e sotme me kontributin e tyre në krijimin e Malit të Zi si shtet evropian, qytetar dhe modern.

Edhe një herë miq të nderuar,

Faleminderit Shqipërisë për mbështetjen, në vazhdim të procesit të anëtarësimit në NATO. Ju falënderoj në mikpritjen për të cilën kam dëgjuar shumë, por dje dhe sot kam pasur kënaqësinë dhe nderin që edhe personalisht të bindem.

Edhe njëherë ju falënderoj në emër të Parlamentit, në emër të shtetit të Malit të Zi.