web counter
LEXO PA REKLAMA!

SHKARKO APP

App Store
Google Play

E fundit!

x

Protestat “Roshi”, tregues i degradimit të shoqërisë

17 Qershor 2016, 14:33, Aktualitet CNA

Po shfletoja qetësisht gazetat online, derisa u ndesha me një video të realizuar dje në Kavajë. Ervin Roshi, kryetari i Bashkisë mori masën ?arrest shtëpie? dhe qindra qytetarë vërsulën për t?i treguar sërisht gjithë mbështjen e tyre të pakufizuar. Në videon që preka më lart dalin dy qytetarë kavajas, ku njëri krahason Roshin me Mandelën, veçse jo me atë nga Afrika e Jugut që njohim të gjithë, por me Mandelën e Brazilit që jeton akoma. Ndërsa tjetra, një grua në moshë, është shumë e merakosur pse qeveria po i bie në qafë kryetarit të tyre të Bashkisë, që e shndërroi, thotë ajo, Kavajën në mbretëri. E ndoqa disa herë dhe sa më shumë e shihja aq më shumë revoltohesha. Trishtim i madh. Mungesë shprese e çdo ndjesi tjetër me nota negative,  kur sheh se si është katandisur populli yt, vendi ku jeton dhe mbase ke ndërtuar edhe shpresa për të ardhmen.

Pikërisht kjo video, u bë shkas për këto rradhë. Jo se dua të merrem me Roshin e as me atë që përfaqëson ai. Por, ka diçka shumë më të rëndësishme. Dua të merrem me sëmundjen e rëndë që ka tharë trurin e shqiptarëve dhe i bën ata tmerrësisht qesharakë në sytë e botës. Dy protestat ? manifestimet e organizuara në Kavajë që mbështetnin kryetarin e Bashkisë, janë një këmbanë e fortë alarmi. E para, vinte pas dorëheqjes nga detyra e Roshit. Ishte fort e pakuptueshme (po përdor fjalën më të butë të mundshme), që njerëzit të derdheshin në shesh për të kundërshtuar një vendim ligjor. Dukej sikur ligji po u rrëmbente atyre ?heroin? e tyre me pa të drejtë. Në shesh për të kundërshtuar ligjin. Dëshpëruese për një vend që kërkon t?i bashkohet familjes së vendeve më demokratike në botë.  E dyta, kishte nota akoma më të forta të një tragji-komedie. Njerëz, me njëmijë e një halle, shqetësohen se po ju ?dhunohet? kryebashkiaku i tyre dhe betohen se do ta mbrojnë me kokë e me jetë. Flitej për lulëzim të qytetit dhe për mbretëri, por në fakt përpos disa fasadave, nuk e di për çfarë e kishin fjalën.

Këtu nuk bëhet fjalë, nëse ishin të drejta apo të gabuara ato dy protesta, (po i quaj kështu). Nuk ka ndonjëfarë diskutimi teorik. Do ishte luks i madh. Problemet e vendit tonë janë aq qartësisht të ekspozuara sa nuk ka nevojë për analiza apo zhbirime. Ka të bëjë me mënyrën tej mase të gabuar si është ndërtuar kjo shoqëri që në themelet e saj. Kur dëgjon të flasin njerëz të tillë, kupton se pse ky vend është në këtë farë gjendje. Bëhet e qartë një fakt tejet i rëndësishëm. Që nuk janë politikanët fajtorë për këtë derexhe. Sigurisht edhe ata janë. Por, së pari është populli, shoqëria, njerëzit, shqiptarët pra. Sepse mbështetja e shoqërisë i forcon ata njerëz, aq sa i mbështesin edhe kur shkelin ligjin. Prandaj duhet të merremi me shoqërinë. Çdo shqiptar me dy pare mend në kokë, duhet të përpiqet që ta shkulim nga rrënjët këtë mendësi vetshkatërruese që është kultivuar kaq shumë ndër shqiptarë. Ky realitet do ndryshuar. Nuk është zgjedhje, është zgjidhja e vetme. Përndryshe ky vend do vazhdojë të lëngojë edhe për shumë kohë nga sëmundjet e tmerrshme që prodhon injoranca./Marash LOGU





Lajmet e fundit nga