web counter
LEXO PA REKLAMA!

SHKARKO APP

App Store
Google Play

E fundit!

x

Koço Kokëdhima kundër Ramës/ Jo reformë pa opozitën, ndryshe shkatërrohet vendi

17 Qershor 2016, 13:00, Aktualitet CNA

Ish-deputeti i Partisë Socialiste ka dalë sot kundër linjës së ndjekur deri tani nga kreu i qeverisë Edi Rama për reformën në drejtësi, i cili është shprehur se reforma do të kalojë në parlament edhe pa opozitën.

Përmes një postimi në rrjetet sociale, Kokëdhima shkruan se reforma në drejtësi nuk mund të miratohet jashtë konsensusit me opozitën apo me deputetë të blerë.

?Reformën në drejtësi, ne nuk mund ta miratojmë në parlament jashtë konsensusit me opozitën, apo duke menduar për të rekrutuar deputetë të saj. Qeveria dhe opozita duhet të merren vesh me njëra-tjetrën?, shkruan Kokëdhima

Më tej ai shprehet se është e pashëndetshme që shumica parlamentare të cojë reformën në parlament, me idenë se do të ?kaprosë? dy-tre deputetë nga grupi i opozitës.

?Është e pashëndetshme dhe e papërshtatshme për Shqipërinë, që shumica jonë parlamentare ta çojë reformën për drejtësi në Parlament, me idenë se do t?i “kaparosim” dy-tre deputetë besëthyer nga grupi i opozitës. Reforma për drejtësi duhet të shkojë në parlament me konsensus të opozitës dhe vetëm pasi drafti i ndryshimeve të kushtetutës të jetë në përputhje me standardet e kushtetutave të demokracive të tjera parlamentare të BE-së. Kjo do t’i shërbejë forcimit të paqes dhe integrimit real të Shqipërisë në Bashkimin Europian?, shkruan Kokëdhima

Në shkrimin e tij, Kokëdhima u shprehet se miratimit i reformës në drejtësi pa opozitën rrezikon paqen, dialogun politik.

?Rruga që kërkojnë disa për ta bërë reformën pa opozitën, është rruga e rrezikimit të paqes së vendit dhe e shkatërrimit të bashkëpunimit dhe dialogut politik. Kështu do të komprometohej edhe arsyeja e supozuar se, urgjenca e miratimit të reformës është e lidhur vetëm me hapjen e negociatave për anëtarësimin e Shqipërisë në BE??, shkruan ai





Lajmet e fundit nga