web counter
LEXO PA REKLAMA!

SHKARKO APP

App Store
Google Play

E fundit!

x

Ristani: Raporti sekret i SHISH, zbardh vendet ku u vendos pajisja e pergjimit

17 Qershor 2016, 10:54, Aktualitet CNA

Sekretari i Pergjithshem i PD-se, Arben Ristani ne nje dalje per mediat ka akuzuar kryeministrin Edi Rama, se kerkon te mbylle me cdo kusht skandalin e pergjimeve. Sipas tij pajisja pergjuese ka levizur ne institucionet kryesore ne Tirane. Ristani ka treguar dhe rruget ku ka qendruar dhe eshte perdorur pajisja e pergjimit.

“Ndërkohë që Edi Rama ka rritur presionin ndaj drejtësisë, përmes kërcënimeve kriminale, duke tentuar mbylljen e çështjes së përgjimeve të paligjshme, fakte të reja kanë dalë në dritë nga ky skandal. Pajisja e përgjimit të paligjshëm është përdorur në zonat pranë Prokurorisë së Përgjithshme, në Rrugën e Elbasanit, pranë Televizionit Publik dhe pranë Bashkisë së Tiranës”, tha Ristani.

Sekretari i Pergjithshem i PD theksoi se “të paktën këto katër lëvizje janë dokumentuar, siç bën të ditur media që i referohet një raporti sekret të SHISH, raport që i është dorëzuar Presidentit, Kryeministrit dhe Prokurorit të Përgjithshëm. Krimi shtetëror i përgjimit të paligjshëm ka ndodhur, cënimi i sigurisë kombëtare ka ndodhur, shkelja brutale e Kushtetutës e të drejtave dhe lirive themelore të njeriut ka ndodhur. Eshtë kjo arsyeja pse Edi Rama e pengon hetimin, pse e riktheu Çakon në detyrë duke shantazhuar në mënyrë mafioze gjykatën. Eshtë kjo arsyeja pse Edi Rama bllokon drejtësinë, pasi krimi ka ndodhur dhe ai është drejtpërdrejt i përfshirë në këtë aferë. Zbardhja e ngjarjes, zbardhja e plotë e përgjegjësive do të ishte goditja fatale ndaj Edi Ramës, ndaj ai po përdor të gjitha format e presionit e kërcënimit kundër gjykatës dhe prokurorisë. Por ky krim i rëndë shtetëror peshon më shumë se e ardhmja e fati personal i një njeriu. Ndaj duhet hetuar e zbardhur deri në fund”, pefundoi Ristani. /citynews

 





Lajmet e fundit nga