E fundit!

17:57 Politikë

Takimi me banorët e Zvërnecit/ Rama: Çështjen e pronave e vendos vetëm gjykata

Kryeministri Edi Rama po zhvillon sot një takim me banorët...

Nga Spartak Ngjela/ “Hallexhinjtë” nuk gjejnë dot një Kinë për ti shpëtuar ndëshkimit

17 Qershor 2016, 13:54, Aktualitet CNA

Erdhi momenti kur korrupsioni shtetëror që ka në dorë votat ne Parlamentin shqiptar të gjendet përballë pyetjes:
Do të votoni për Reformën antikorrupsion, për Amerikën dhe anëtarësimin e Shqipërisë në Bashkimin Europian, apo do te votoni për të penalizuar shqiptarët dhe për të shpëtuar vjedhësit e popullit?
Ja, kjo ka qenë historia jonë e trishtuar. Kështu i ndodhi shqiptarëve edhe në vitin 1961… kur reformimi sovjetik antistalinian i kërkoi Enver Hoxhës dhe elitës së tij që të iknin së kishin bërë krime njëlloj si Stalini. Por Hoxha, për të mos pranuar reformën antistaliniane,e cila e penalizonte atë për krimet që kishte kryer ndaj popullit të tij, shkoi në Kinë për të mbajtur të gjallë krimin ala stalinin në Shqipëri.
Po sot?
Sot kemi një risi, sepse kryeministri shqiptar është për Reformën antikorrupsion, dhe sot do ta fusë draftin e saj në procedurat parlamentare.
Kurse krerët e korruptuar të Partisë Demokratike, të alarmuar, flasin për blerje votash. Pse, vërtet ka nevojë Amerika të blejë vota në Tiranë kur në Shqipëri ajo ka më vete 97 përqind të shqiptarëve? Kjo që po llomotit pa sens Saliu me hallexhinjtë e tij të kapur në korrupsion, është thjeshtë një dëshmi e vobegtësie së tij mendorë. Pse, vërtet mendoni ju se shqiptarët do ndahen nga Reforma demokratike amerikano-gjermane për antikorrupsionin në Shqipëri, se ajo shpronëson dhe penalizon Saliun dhe taborin e tij që mendohet se i ka përvetësuar shqiptarëve mbi 250 milionë Dollarë dhe me mijëra hektarë, e lloj lloj pasurish të tjera të paligjshme?
Ku shkoni, o të mjerë, pse rendni me vrap drejt shkatërrimit tuaj tërësor?
Si mund të besojnë shqiptarët dhe opinioni perëndimor që politika amerikane dhe ajo gjermane paskan nevojë të blejnë vota në parlamentin shqiptar?
Po ç’i duhet Rames të merret në votat në Parlament, kur ato i kërkon USA dhe Bashkimi Europian?
Pse, vërtet mendon korrupsioni shqiptar se mund të mundë Perëndimin demokratik në Tiranë?
Në hall është edhe Meta. Ky është më interesanti…se mendon që ka mundësi lëvizjeje. Por nuk del vetë kundër politikës amerikane. Nxjerr kukullat. Vetëm një kukull deri tani. Ky është vajtim, por koha nuk mund të përsëritet si me Enver Hoxhën… se këta hallexhinj nuk gjejnë dot një Kinë që t’i mbajë për t’i shpëtuar nga ndëshkimi për vjedhjet që kanë bërë.
Po çdo të ndodhë?
Saliu i pari…dhe me të gjithë aradha e të korruptuarëve deputetë, do shkojnë të votojnë për Amerikën. Se s’ka rrugë tjetër.
Por, a mund të bashkohen politikisht në parlament Meta me Berishën?… Kjo është komedia… Po ku do t’i gjejnë paratë? Nuk e dinë ata që qeveria Rama është në embargo perëndimore për Reformën? Dhe, nuk e dinë ata që pas një bashkimi golpist vjen kërcënimi amerikan kundër goditjes së tyre antishtet?
Asgjë nuk bëjnë dot. Shqiptarët e kanë fituar luftën me ta, me ndihmën e Aleancës perëndimore. Koha Berisha e ka ngrënë vetveten, dhe tani pritet që t’u dorëzojë shqiptarëve të gjithë plaçkitjen që ù ka bërë në tetë vjet grabitje, nëse mendon për të pasur pak kohë të thjeshte për të jetuar. Shqiptarët janë të fituar. Kjo është e sigurt. Se historikisht deri tani, për 500 vjet, kanë qenë të humbur dhe në zgrip për t’u privuar tërësisht nga historia e tyre. Në Parlamentin shqiptar këto ditë do të fitojnë shqiptarët.