E fundit!

17:57 Politikë

Takimi me banorët e Zvërnecit/ Rama: Çështjen e pronave e vendos vetëm gjykata

Kryeministri Edi Rama po zhvillon sot një takim me banorët...

PD: Kriminelët e Ramës po qëllojnë mbi të rinjtë demokratë

17 Qershor 2016, 13:13, Aktualitet CNA

Partia Demokratike ka reaguar për plagosjen e kreut të FRPD-së në Kavajë nga një aktivist i Partisë Socialiste, ish-drejtor i zyrës së Punës në këtë qytet. Përmes një deklarate për shtyp, PD ka dënuar këtë akt kriminal ku mbeti i plagosur kreu i FRPD-së, Kid Kazazi, babai i tij dhe një kalimtar.

?Partia Demokratike dënon me ashpërsine më të madhe aktin e rëndë kriminal sot në Kavajë, ku banditi i Rroshit, njeriu që Edi Rama e bëri drejtor të zyrës së Punës, drejtues të PS-së së Kavajës, Saimir Kurti, shkrehu armët duke plagosur kryrtarin e FRPD Kavajë Kid Kazazi, dhe ku ka mbetur i plagosur dhe një kalimtar.

Këto akte të përsëritura agresioni, dhune dhe gjakosje me armë ndaj drejtuesve, anëtarëve dhe mbështetësve të Partisë Demokratike janë pasojë e kriminalizimit të pushtetit nga Edi Rama.?, thuhet në njoftim

Më tej, në deklaratën e PD-së thuhet se këto janë armët dhe plumbat e kriminelëve të kryeministrit Edi Rama. PD i ka bërë thirrje prokurorisë të marrë nën kontroll hetimin, ndërsa ka paralajmëruar kryeministrin të heqë dorë nga mbështetja e krimit, në të kundërt PD do ti bëjë thirrje qytetarëve të marrin masa për vetëmbrojtje civile.

“Këto janë armët dhe plumbat e kriminelëve në pushtet të Edi Ramës, të cilët janë thirrur prej tij pikërisht për për të dhunuar, plagosur e gjakosur opozitën dhe qytetarët.

Partia Demokratike i bën thirrje prokurorisë të marrë nën kontroll hetimin, e të parandalojë të gjitha përpjekjet që po bën policia me urdhër të Edi Ramës për të lehtësuar e ndihmuar autorin e krimit.

E paralajmërojmë sot Edi Ramën, të heqë dorë nga mbështetja e krimit dhe kriminelëve dhe nga përpjekjet për ti mbrojtur ata nga dora e ligjit, në të kundërt Partia Demokratike do t?i bëjë thirrje qytetarëve dhe mbështetësve të saj të marrin të gjitha masat për vetëmbrojtje civile kundër krimit të veshur me pushtet dhe pushtetit të veshur me krim.“, përfundon njoftimi