web counter
LEXO PA REKLAMA!

SHKARKO APP

E fundit!

x

Rama ngelet pa drita/ Kishte ikur më parë në Francë

10 Qershor 2016, 19:38, Aktualitet CNA

Shtëpia e Kryeministrit Edi Rama në Surrel ka ngelur pa energji elektrike mbrëmjen e sotme. Lajmi bëhet me dije nga Operatori i Shpërndarjes së Energjisë Elektrike, i cili përmes një njoftimi zyrtar shton se për shkak të një defekti në n/stacionin Lanabregas, kanë mbetur pa energji Vilat Qeveritare në Dajt dhe Fshatrat Surrel. Megjithatë mësohet se Rama nuk e ka vuajtur mungesën e energjisë elektrike, pasi ndodhet në Francë për të ndjekur ndeshjen Shqipëri-Zvicër.

Njoftimi i plotë nga OSHEE

Operatori i Shpërndarjes së Energjisë Elektrike, OSHEE, njofton se në orën 20.48 ka ndodhur një defekt në n/stacionin Lanabregas. Për pasojë kanë mbetur pa energji n/stacionet Qafë Mollë dhe Lanabregas, si dhe HEC-i Lanabregas dhe Pompat e ujit Qafë Mollë.

Zonat që mbeten pa energji: Fshatrat Lanabregas, Bregas, Linzë, Linzë Deli, Antenat e televizioneve në Dajt, Vilat Qeveritare në Dajt, Fshatrat Surrel, Lanabregas, Priskë, Fushë farkë, Shkallë, Darshë, Qafë Mollë, Shupal, Selitë e Malit, Zall Dajt, Shën Gjergj, Verri, Zall Bastar, Murrizë, Vilëz, Zgurë, Shënmëri, Dom, Fag, Derje, Pompat Qafë-Mollë.
Grupet e punës së OSHEE po punojnë për riparimin e shpejtë të këtij difekti.





Lajmet e fundit nga