web counter
LEXO PA REKLAMA!

SHKARKO APP

App Store
Google Play

Përjashtimi i Berishës/ Basha: Shenjë e krizës së rendë ku gjendet Edi Rama

28 Maj 2016, 08:18, Aktualitet CNA

Kryetari i Partisë Demokratike, Lulzim Basha, ka reaguar për përjashtimin e ish-kryeministrit Sali Berisha, me 10 ditë nga punimet e Kuvendit. Përmes një postimi në rrjetet sociale, Basha shprehet se përjashtimi i Berishës është shenjë e krizës së rëndë ku ndodhet Edi Rama me të tijtë.

?Përjashtimi i ish-kryeministrit Sali Berisha nga parlamenti me 10 ditë, është shenjë e krizës së rëndë ku gjendet Edi Rama me të tijtë. Kjo krize ka arritur në nivelin ku nuk përballojnë më debat, nuk kanë argumenta, kapen në flagrancë nga faktet e dëshmitë që provojnë krimin dhe korrupsionin e tyre dhe ju ka mbetur te tregojnë vetem kartonat në byro.?, shkruan Basha

Më tej Basha thekson: ?Njekohesisht kjo eshte edhe nje kujtese e peshtire e dy standarteve te kesaj mazhorance te kalbur ne krime vese dhe korrupsion. Nga njëra anë nderohet vulgu i vulgut, Sadri Abazi që i thotë kundërshtarit të pres veshin, nga ana tjetër dënohet denoncuesi i të keqes, i aferave tronditëse, Sali Berisha. Kjo nuk behet për ti mbyllur gojën opozitës, sepse kanë dështuar në mënyrë të përsëritur me këto metoda byroiste.?

Basha shkruan se kjo është një manovër e kryeministrit Edi Rama dhe kryeparlamentarit Ilir Meta për ti mbyllur derën opozitës dhe tryezave ku ajo duhet të jetë e pranishme si dhe reformës në drejtësi dhe asaj zgjedhore.

?Kjo është manovër e Edi Ramës dhe Ilir Metës për ti mbyllur derën opozitës. Për ti mbyllur derën në parlament, në tryezat ku ajo duhet të jetë e pranishme.
Për ti mbyllur derën në reformën e drejtësisë, në reformën zgjedhore.
Por gabim i bëjnë llogaritë. Opozita, Partia Demokratike nuk mbetet jashtë. Ajo është çdo ditë me shqiptarët dhe në krah të tyre, se bash aty është parlamenti i vërtetë, aty nisin dhe merren vendimet e mëdha.
Duke lënë opozitën dhe demokratët jashtë një salle, jashtë një tryeze, Edi Rama dhe Ilir Meta vetëm sa thellojnë izolimin dhe pershpejtojne renien e tyre te pashmangshme.?, përfundon Basha





Lajmet e fundit nga