web counter
LEXO PA REKLAMA!

SHKARKO APP

App Store
Google Play

Ilir Kulla: Xhihadistët u dënuan nga Ambasada Amerikane!

4 Maj 2016, 21:14, Aktualitet CNA

Ilir Kulla, analisti dhe eksperti i çështjeve të sigurisë, është shprehur se vendimi i djeshëm i Gjykatës së Krimeve të Rënda ishte i orientuar nga Ambasada e Shteteve të Bashkuara të Amerikës. I ftuar në ?Natë me Xhaxhiun? në News 24, Kulla tha se sipas informacioneve që ai ka, amerikanët kanë dhënë udhëzime trupës gjykuese për të dënuar me 126 vite burg imamët e vetëshpallur. Kulla tha se 9 të akuzuarit janë dënuar për ekstremizëm dhe vepra terroriste, në një kohë që nuk është kryer asnjë e tillë. Ai shtoi se vendimi i Gjykatës mund të sjellë përçarje dhe ndasi në harmoninë fetare në vendin tonë. Në intervistën përballë Rezart Xhaxhiut, Kulla tha se Shqipëria ka nevojë për 3 lloje paqesh: paqe sociale, demokratike dhe ajo e zbatimit rigoroz të ligjit.  Kulla tha se është për të ardhur keq që prej mungesës së profesionalizmit, servilizmit dhe paaftësisë të togave të zeza, fatura për dënimin e 9 të akuzuarve i shkon Ambasadës amerikane. Ai shtoi se Shtetet e Bashkuara të Amerikës jane vendi më modern në çeshtjen e bashkejeteses fetare. Lidhur me atë çka pritet të ndodhë pas dhënies së këtij vendimi, Kulla u përgjigj duke cituar këtë shprehje ?Më mirë 100 të fajshëm jashtë se një i pafajshëm brenda?.

 





Lajmet e fundit nga