Faktet/ Ja pse Basha duhet të bëjë zgjedhje në PD-në e Korçës dhe aty ku ndahen degët

3 Maj 2016, 17:07, Aktualitet CNA

Partia Demokratike ka filluar një prices riorganizmi, që më shumë sesa një ndezje motorrash për fushatë elektorale po kthehet në përçarje e mëtejshme, që mund ta cojë PD-në drejt një katastrofe elektorale vitin e ardhshëm.

Riorganizimet mirëpriten kudo, kur ndërhyrja vjen për të zgjidhur problematika, por edhe për të nxitur bashkëpunim dhe zgjidhje. Në rastin konkret riorganizimi i PD-së, është një rrëmujë që ka shumë mundësi që as vetë Basha se kupton, por qëllimin final ai e di. Kap disa degë më shumë dhe rruan disa ushtarë të tjerë, garanci strukturore për humbjen në zgjedhjet e ardhshme.

Rastet flagrante janë disa por si shëmbull po sjellim Korçën. Kjo degë e PD, po rioganizohet sipas ndarjes së re administrative në dy degë, kjo sipas nëni 4 të statutit të PD-së. Gjithçka duket korrekte. Ajo që është skandal në këtë rast është fakti se Basha bën zgjedhje vetëm në Maliq, ndërkohë në Korçë ku dega humbet legjitimitetin nuk do ketë fare zgjedhje. Kjo sipas llogaritjes së votive, se po I futëm dhe rezultatin në zgjedhje, kryetari actual nuk duhet të kishte as moralin të rikandidonte.

Faktet dhe shifrat tregojnë se minimalisht në rast se Lulzim Basha kishte qëllim një riorganizim të vërtetë Korça dhe shumë degë të tjera duhet të kishin zgjedhje.

Po sjellim faktet dhe të dhënat. Korça ka zhvilluar një kuvend dege ku janë 480 delegatë nga të gjitha grupseksionet e kësaj dege, ku të përfshirë kanë qenë edhe ata të Bashkisë së re Maliq.

Sipas ndarjes së re të degës, janë të paktën 150 delegatë të cilët kanë votuar në kuvendin e Korçës, që tani ikin nga kjo degë dhe votojnë vetëm në degën e re Maliq. Dega Maliq përfshin Bashkinë Maliq, komunat Pojan, Vreshtas, Libonik, Pirg, Gorë dhe Moglicë.

Janë gjithashtu të paktën 100 delegatë të kuvendit të degës Korçë nga FRPD, LDG dhe ish-kryesia e degës, ku përfshihen sërish votues nga dega e re Maliq.

Me ndarjen e degës janë gati gjysma e delegatëve që nga dega Korçë kalojnë në Maliq. Dega e Korçës për disa arsye humbet legjitimitetin.

Së pari kryetari i degës minimalisht duhet të rivotohet, sepse nuk mund të vazhdojë të qëndrojë në detyrë kur është zgjedhur nga delegatë të cilët tani i përkasin një dege tjetër. Se dyti kryesia është votuar edhe për përfaqësuesit e njësive që do jenë në degën Maliq. Zgjidhja nuk është të vijnë ata të rradhës pasi votimi edhe për kryesinë ka vota nga delegatë që i përkasin një njësie të re. Minimalisht duhet të rivotohen.

Që PD-ja të jetë në rregull dhe e vërtetë më riorganizimin, duhet të thërrasë kuvendin e degës, të rivotojë kryesinë dhe kryetarin, pasi mandati i tyre nuk është më legjitim për shkak të ndarjes së degës.

Minimalisht duke thirrur kuvendin me delegatët aktualë, si institucioni i vetëm që mund të zgjedhe kryesinë dhe kryetarin e degës. Ndarja e çdo dege në njësi të reja, si rasti i Korçës me Maliqin apo Shkodra me Vaun e Dejës, në çdo rast duhet të bëjnë rivotim. Vetëm kjo mënyrë do lëgjitimonte kryresitë dhe kryetarët.

Zgjidhja më e mirë do ishte riorganizimi i plotë i degëve pas rezultateve katastrofë në zgjedhjet lokale, riorganizim që mund të përdorej si start i fortë për zgjedhjet e ardhshme parlamentare dhe mund të ishte një para fushatë. Në rast të mungesës të një vizioni të tillë, Lulzim Basha minimalisht duhet të rikonfirmojë me votim kryetarët e degëve të ndahen dhe kryesitë e këtyre degëve. Në rast se kërkon t?i ketë legjitimë. Në rast të kundër tregon se nuk i interesojnë statuti, rregullat dhe organizimi i PD-së por kërkon vetëm të kontrrollojë partinë me servile dhe ushtarë që i mban peng më mandate dhe urdhra antistatutorë riorganizimi./citynews