E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Detaje të reja rreth hetimeve për gjyqtarin Hoxha

3 Maj 2016, 15:11, Aktualitet CNA

Zbulohen detaje të tjera të hetimeve që çuan në arrestimin e gjyqtarit Ibrahim Hoxha, djalit të tij Ledion Hoxhan juristit Novruz Gajda dhe biznesmenit Dritan Jazenxhiu, të akuzuar për korrupsion.

Hoxha u arrestua pasi dyshohet se i kishte marrë 600 mijë lekë biznesmenit Jazenxhiu, për ta favorizuar në një gjyq civil për çështje pronësie.

Burime nga policia bëjnë me dije se Hoxha ishte nën vëzhgim dhe policia priste momentin e shkëmbimit të parave, për të dokumentuar përfshirjen e tij në aferën korruptive.

Tv Klan shkruan se shkëmbimi i parave ishte parashikuar të kryhej ditën e djeshme, në një lokal në kryeqytet, rreth orës 17:00.

Por në rrethana të paqarta, ky takim u shty.

Vetë gjyqtari nuk ka shkuar për të marrë paratë, por në vendin e tij ka shkuar i biri, 25 ? vjeçari Ledion Hoxha.

Sipas komunikimeve që dalin nga përgjimi, mësohet se palët kanë rënë dakord që 6 milionë lekë t?i merrte një natë para shpalljes së vendimit dhe 2 milionë të tjera pasi të shpallej vendimi për një pronë trashëgimie, që përfshinte një dyqan dhe një banesë në Tiranë.

Por megjithë marrëveshjen, sipas burimeve të policisë, palët duket se kanë patur mosbesim tek njëra ? tjetra.

Gjatë dorëzimit të parave, edhe djali i gjyqtarit edhe sekseri ishin të shoqëruar nga 2 shokë.

Gjyqtari u ndalua pranë zyrës së tij, ku do të shkruante vendimin që do të shpallte sot.

Ai është sinjalizuar me telefon se ?porosia? u krye dhe gjithçka ishte në rregull, por në ato moment ai është ndaluar nga policia.

Gjyqtari Ibrahim Hoxha mësohet se kishte edhe një lidhje tjetër me biznesmenin Dritan Jazenxhiun, personi që do të përfitonte nga vendimi gjyqësor, që do të shpallej sot në orën 09:30.

Sipas policisë, Jezenxhiu ishte arrestuar pak muaj më parë, për vjedhje të energjisë elektrike.

Prokuroria mësohet se ka kërkuar dënimin e tij me 2 vjet burg, por gjyqtari i këtij procesi ende në vijim, i ka lënë biznesmenit masën detyrim paqaqitje.

I arrestuari tjetër, që bënte rolin e sekserit, Novruz Gajda, ka një njohje të vjetër me gjyqtarin nga Berati, pasi ka punuar më herët oficer në këtë rreth.